Pune News : पुणे : तलाठी भरती परीक्षा देणाऱ्या उमेदवारांना उद्या गुरुवारपासून (ता.२८) उत्तरतालिका पाहता येणार आहेत. या उत्तरतालिका २८ सप्टेंबर ते ८ ऑक्टोबर या कालावधीत ऑनलाइन लॉगइनमध्ये पाहण्याची सोय करण्यात आली आहे.
काही हरकत असल्यास ती परीक्षा घेणाऱ्या कंपनीकडे नोंदविताही येणार
उमेदवारांना काही हरकत असल्यास ती परीक्षा घेणाऱ्या कंपनीकडे नोंदविताही येणार आहे. तलाठी पदाची परीक्षा १९ दिवस तीन सत्रांत घेण्यात आली. जाहिरातीमध्ये नमूद करण्यात आलेल्या अटीप्रमाणे तसेच शासन निर्णयातील तरतुदीनुसार पात्र आणि अपात्र गुणांनुसार उमेदवारांना मिळालेल्या गुणांसह जिल्हानिहाय पात्रता यादी संकेतस्थळावर प्रसिद्ध करण्यात येणार आहे. (Pune News) ही यादी संबंधित जिल्हाधिकारी यांच्याकडे सुपूर्त करण्यात येणार आहे. याबबतच्या सर्व नोटीस भूमी अभिलेख विभागाकडून संकेतस्थळावर प्रसिद्ध करण्यात येणार आहे.
दरम्यान, परीक्षा दिलेल्या उमेदवारांना उत्तरतालिका पाहण्याची सोय उपलब्ध करून देण्यात येत आहे. उत्तरतालिका पाहिल्यानंतर उमेदवारांना काही शंका, आक्षेप, हरकत असल्यास परीक्षा घेतलेल्या टीसीएस कंपनीकडून दुवा (लिंक) उपलब्ध करून देण्यात येणार आहे. (Pune News) एका हरकतीला १०० रुपये शुल्क आकारले जाणार आहे. आक्षेप योग्य असल्यास ही रक्कम संबंधित उमेदवाराला परत केली जाणार आहे. मात्र, आक्षेप अयोग्य असल्यास १०० रुपये शुल्क परत केले जाणार नाही.
याबाबत बोलताना अपर जमाबंदी आयुक्त आणि तलाठी भरती परीक्षेचे समन्वयक आनंद रायते म्हणाले की, उमेदवारांकडून नोंदविण्यात आलेले आक्षेप टीसीएस कंपनीच्या समितीकडे जातील. (Pune News) या समितीकडून प्राप्त आक्षेपांचे निरसन केले जाणार आहे.
अधिक बातम्या वाचण्यासाठी येथे क्लिक करा :
Pune News : बेकायदा पिस्टल बाळगणाऱ्यास मांजरी खुर्द येथून अटक
Pune News : खडकीतील गुंड किशोर गायकवाड व साथीदारांवर ‘मोक्का’ कारवाई
Pune News : मार्केट यार्डाचे कामकाज अनंत चतुर्दशीनंतर सलग दोन दिवस बंद
