मुंबई : बॉलीवुड स्टार अभिनेत्री दीपिका पदुकोण, ‘बाहुबली’ स्टार अभिनेता प्रभास आणि अमिताभ बच्चन यांच्या ‘ कल्की 2898 एडी चित्रपटाने बॉक्स ऑफिसवर चांगलीच कमाई केली आहे.
नाग अश्विन दिग्दर्शित या चित्रपटाविषयी प्रेक्षकांमध्ये प्रचंड उत्सुकता होती. कल्की चित्रपटाला प्रेक्षकांनी चांगलीच पसंती दिली आहे. हा चित्रपट गुरुवारी 27 जून रोजी रिलीज झाला. अवघ्या चार दिवसांत सायफाय चित्रपट कल्की 2898 एडीने 302.4 कोटींची कमाई केली आहे तर हिंदी भाषेतील चित्रपटाने चार दिवसांत 110.5 कोटींची कमाई केली आहे.
पहिल्या दिवशी कल्की चित्रपटाने 95.3 कोटींची कमाई केली. दुसऱ्या दिवशी कमाईचा आकडा घसरला असून चित्रपटानं 57.6 कमाई केली. तिसऱ्या दिवशी या चित्रपटाच्या कमाईत थोडी वाढ झाली आणि चित्रपटानं 64.5 कोटींची कमाई केली. चौथ्या दिवशी या चित्रपटानं 85 कोटींची कमाई केली. एकंदरीत या चित्रपटानं 302.4 कोटींची कमाई केली.
कल्की चित्रपटाने जगभरात 500 कोटींचा टप्पा ओलांडला आहे. या वर्षात सर्वात जास्त कमाई करणारा हा चित्रपट ठरला आहे. चित्रपटात प्रभास, दिपीका पादूकोण आणि अमिताभ बच्चन यांचा अभिनय प्रेक्षकांना वेड लावत आहे.
