मुंबई: चित्रपटसृष्टीत नेहमीच बदल होत असतात. एखादा मोठा बजेट प्रकल्प काही दिवसांतच थांबवला जाऊ शकतो, तर ए-लिस्ट स्टार एक प्रोजेक्ट सोडून दुसऱ्या प्रोजेक्टमध्ये सामील होऊ शकतो. आता या यादीत आयुष्मान खुरानाचे नावही सामील झाले आहे. ‘बॉर्डर 2’मधून बाहेर पडल्यानंतर आयुष्मान खुराना चित्रपट दिग्दर्शक मोहित सुरीसोबत त्याच्या पुढच्या चित्रपटात काम करणार आहे. इंडस्ट्रीतील एका सूत्राने फिल्मफेअरला सांगितले की, “आयुष्मानने मोहित सूरीच्या पुढील चित्रपटात काम करण्यास होकार दिला आहे.”
सूत्रांकडून मिळालेल्या माहितीनुसार, आयुष्मानने ‘बॉर्डर 2’मधून बाहेर पडल्यानंतर हा निर्णय घेतला आहे. मिड डेच्या रिपोर्टनुसार, आयुष्मान खुरानाची ‘बॉर्डर 2’ मध्ये आर्मी ऑफिसरची भूमिका साकारण्यासाठी निवड झाली होती. आयुष्मानही यासाठी तयार होता. मात्र, ‘बॉर्डर 2’मध्ये सनी देओलसोबतच्या भूमिकेबाबत तो संभ्रमात होता. यामुळे तो सनी देओलसारख्या मोठ्या स्टारसोबत चित्रपट करेल की नाही याची खात्री नव्हती.
‘बॉर्डर 2’ का सोडला?
रिपोर्टनुसार, आयुष्मानला भीती होती की, सनी देओलच्या भूमिकेमुळे त्याचे पात्र झाकोळले जाईल. अशा परिस्थितीत आयुष्मानने निर्णय घेतला की, तो या चित्रपटाचा भाग बनणार नाही. ‘बॉर्डर 2’ 23 जानेवारी 2026 रोजी थिएटरमध्ये प्रदर्शित होणार आहे. ‘बॉर्डर 2’ हा 1997 मध्ये आलेल्या ‘बॉर्डर’ सिनेमाचा सिक्वेल आहे. ‘बॉर्डर’ चित्रपटाचे दिग्दर्शन जेपी दत्ता यांनी केले होते, तर ‘बॉर्डर २’ चित्रपटाचे दिग्दर्शन अनुराग सिंग करणार आहेत.
आयुष्मान खुरानाचा व्हॅम्पायर चित्रपट
मोहित सूरीच्या प्रोजेक्टशिवाय आयुष्मानकडे अमर कौशिकचाही चित्रपट आहे. हा एक व्हॅम्पायर चित्रपट आहे. कौशिकच्या व्हॅम्पायर चित्रपटाचे नाव ‘थांबा’ आहे, ज्यामध्ये आयुष्मान मुख्य भूमिकेत आहे. यापूर्वी या चित्रपटाचे नाव ‘व्हॅम्पायर्स ऑफ विजयनगर’ असण्याची शक्यता वर्तवली जात होती. अलीकडेच कौशिकने एका मुलाखतीत पुष्टी केली होती, “आम्ही येत्या दोन महिन्यांत ‘थांबा’ चित्रपटाचे शूटिंग सुरू करणार आहोत. हे मॅडॉक सुपरनॅचरल युनिव्हर्स (MSU) अंतर्गत तयार केले जाईल.
करण जोहरच्या चित्रपटातही दिसणार
याशिवाय आयुष्मान करण जोहरच्या स्पाय कॉमेडी चित्रपटातही दिसणार आहे. यामध्ये आयुष्मानच्या विरुद्ध सारा अली खान आहे. या चित्रपटात दोघेही पहिल्यांदाच एकत्र स्क्रिन शेअर करताना दिसणार आहेत. मेकर्सकडून मिळालेल्या माहितीनुसार, हा एक ॲक्शन-कॉमेडी चित्रपट आहे. चित्रपटाचे शीर्षक अद्याप निश्चित झालेले नाही. मात्र, या चित्रपटाचे शूटिंग सुरू झाले असून निर्माते लवकरच त्याचे शीर्षक जाहीर करणार आहेत. आकाश कौशिक यांनी स्क्रिप्ट लिहली आहे. आकाशने ‘भूल भुलैया 2’ची स्क्रिप्टही लिहिली आहे. याआधी आयुष्मान खुराना ‘ड्रीम गर्ल 2’ मध्ये शेवटचा दिसला होता. यात त्याच्यासोबत अनन्या पांडेही होती. या चित्रपटात परेश रावल, अन्नू कपूर, राजपाल यादव, विजय राज, असरानी, अभिषेक बॅनर्जी, मनजोत सिंग यांच्याही प्रमुख भूमिका होत्या.
