Shark Tank India: शार्क टँक इंडियाचा तिसरा सीझन लवकरच येत आहे. आत्तापर्यंत त्याचे तीन सीझन पार पडले आहेत. प्रेक्षकांकडून सर्व सीझनला प्रचंड लोकप्रियता मिळाली आहे.
या नव्या सीझनमध्ये कार्यक्रमातील काही जुने परीक्षकांसोबतच नवीन परीक्षक देखील दिसणार आहेत. सीझन सुरू होण्याआधी या शोची जबरदस्त चर्चा आहे. नुकताच शार्क टँक सीझन-3 चा नवा प्रोमो सोशल मीडियावर शेअर करण्यात आला आहे. या प्रोमोमध्ये या सीझनच्या पहिल्या एपिसोडची रिलीज डेट जाहीर करण्यात आली आहे.
12 परीक्षकांची फौज
अझहर इक्बाल, दीपंदर गोयल, वरुण दुआ, रॉनी स्क्रूवाला, राधिका गुप्ता आणि रितेश अग्रवाल, अमन गुप्ता, अमित जैन, नमिता थापर, अनुपम मित्तल, पियुष बन्सल, विनीता सिंह हे उद्योजक या शोमध्ये परीक्षकाच्या भूमिकेत दिसणार आहेत.
शोमधील परीक्षकांबद्दल माहिती
शार्क टँक इंडिया-3 या शोमधील परीक्षक वरुण दुआ हे एको जनरल इन्शुरन्स कंपनीचे सीइओ आहेत. तर, अझहर इक्बाल हे इनशॉर्टचे सह-संस्थापक आणि सीइओ आहेत. दीपंदर गोयल हे झोमॅटो या कंपनीचे संस्थापक आणि सीइओ आहेत. तसेच, रॉनी स्क्रूवाला हे चित्रपट निर्माते आहेत. तर, रितेश अग्रवाल हे ओयो रूम चे संस्थापक आणि सीइओ आहेत. राधिका गुप्ता एडलवाईस म्युच्युअल फंडाच्या एमडी आणि सीइओ आहेत.
22 जानेवारीपासून सोनी लाइव्हवर
शार्क टँक इंडियाचा तिसरा सीझन 22 जानेवारीपासून प्रेक्षकांच्या भेटीला येणार आहे. हा शो सोमवार ते शुक्रवार रात्री 10 वाजता प्रसारित होणार आहे. प्रेक्षक हा शो सोनी टीव्हीवर पाहू शकतात. सोनी लाइव्ह या अॅपवर देखील प्रेक्षक हा शो पाहू शकता.
