संजय लीला भन्साळी यांच्या आगामी चित्रपटाच्या नावाची घोषणा नुकतीच करण्यात आली आहे. या चित्रपटाची स्टार कास्ट देखील ठरली आहे. संजय लीला भन्साळी यांच्या आगामी चित्रपटामध्ये अभिनेते विकी कौशल, अभिनेता रणबीर कपूर आणि अभिनेत्री आलिया भट्ट हे या चित्रपटात महत्वाची भूमिका साकारणार आहेत.
चित्रपटाचं नाव काय?
आलियाने सोशल मीडियावर एक फोटो शेअर केला आहे. ज्यावर ‘संजय लीला भन्साळी यांचा इपिक सागा “लव्ह अँड वॉर” ख्रिसमस 2025 मध्ये येत आहेत. सी यू एट द मुव्हिज’ असं लिहिलेलं दिसत आहे. आलियानं या फोटोला कॅप्शन दिलं, “एक चिरंतन सिनेमाचे स्वप्न साकार झाले आहे.” संजय लीला भन्साळी यांच्या आगामी चित्रपटाचं नाव ‘लव्ह अँड वॉर’ असं आहे. नुकतीच आलिया आणि विकीने सोशल मीडियावर पोस्ट शेअर करुन या चित्रपटाची माहिती चाहत्यांना दिली.
संजय लीला भन्साळी यांचे चित्रपट
खामोशी, हम दिल दे चुके सनम, देवदास, गंगूबाई, बाजीराव मस्तानी आणि रामलीला या संजय लीला भन्साळी यांच्या चित्रपटांना प्रेक्षकांची विशेष पसंती मिळाली. आता त्यांच्या ‘लव्ह अँड वॉर’ या चित्रपटाची प्रेक्षक उत्सुकतेने वाट बघत आहेत.
