KRK on Rashmika Mandanna : मुंबई : ‘अ‍ॅनिमल’ सिनेमाचा ट्रेलर नुकताच दिवसांपूर्वी रिलीज झाला. हा सिनेमा 1 डिसेंबर 2023 ला सिनेमागृहात रिलीज होतोय. ट्रेलरमध्ये रणबीर कपूरने त्याच्या अभिनयाने प्रेक्षक – समीक्षक सर्वांचं मन जिंकलं. मात्र रश्मिकाचा अभिनय काहींच्या पसंतीस उतरताना दिसत नाही. अशातच समीक्षक आणि अभिनेता के आर के अर्थात कमाल आर खानने अ‍ॅनिमलमधील रश्मिकाच्या अभिनयाची खिल्ली उडवली आहे. केआरकेने एक्स अकाऊंटवर ‘अ‍ॅनिमल’ ट्रेलरची एक क्लिप शेअर केली. या क्लिपमध्ये रणबीर कपूर आणि रश्मिका मंदाना दिसत आहेत. त्यावर त्याने प्रतिक्रीया दिली आहे.
रश्मिकाबद्दल काय म्हणाला केआरके?
ट्रेलरमध्ये असलेला रश्मिकाचा एक व्हिडीओ पोस्ट करुन केआरकेने कॅप्शन लिहीलंय की, ‘रश्मिका मंदानाला अभिनय कसा करावा हे माहित नाही आणि तरीही तिला चित्रपट मिळत आहेत त्याचा हा पुरावा आहे. पण जर बॉलीवूडमध्ये फक्त अभिनय हा निकष धरुनच चित्रपट द्यायचे झाले असते तर कतरिना, जॅकलीन, नर्गिस वगैरे आज अभिनेत्रीच नसत्या.” अशी टिका केआरकेने केलीय.
अ‍ॅनिमल सिनेमाला ए सर्टिफिकेट आणि सेन्सॉर सर्टिफिकेट
रणबीर कपूर, रश्मिका मंदाना, अनिल कपूर, बॉबी देओल यांची प्रमुख भुमिका असलेल्या अ‍ॅनिमल सिनेमाची लांबी खुप मोठी आहे. तब्बल ३ तास २१ मिनीटांचा हा सिनेमा आहे. त्यामुळे सध्याच्या फास्ट जमान्यात प्रेक्षकांच्या संयमाची परीक्षा होणार, यात शंका नाही. भूषण कुमार आणि कृष्ण कुमार यांच्या टी-सिरीजची निर्मिती असलेला अ‍ॅनिमल सिनेमाची सध्या खुप चर्चा आहे. संदीप रेड्डी वंगा दिग्दर्शित हा चित्रपट क्राईम ड्रामा प्रकारातील आहे.
