कोची (केरळ): रजनीकांत यांच्या ‘जेलर’ या चित्रपटात खलनायकाची भूमिका साकारणाऱ्या अभिनेता विनायकनबाबत एक मोठी माहिती समोर आली आहे. मद्यधुंद अवस्थेत पोलिस स्टेशनमध्ये गोंधळ घातल्याप्रकरणी केरळ पोलिसांनी मंगळवारी त्याला अटक केली.
अभिनेत्याने संध्याकाळी एर्नाकुलम टाऊन नॉर्थ पोलिस स्टेशनमध्ये गोंधळ घातला. त्याच्या अपार्टमेंटमध्ये काही समस्या असल्याच्या वृत्तानंतर पोलिसांनी त्याला बोलावले. पोलीस ठाण्यात गोंधळ घातल्याप्रकरणी त्याला अटक करण्यात आल्याचे एका वरिष्ठ पोलीस अधिकाऱ्याने सांगितले. आवश्यक वैद्यकीय तपासणीसाठी त्याला जवळच्या रुग्णालयात नेण्यात आले आहे.
महिला निरीक्षकाशी वाद
विनायकन दारू पिऊन पोलिस स्टेशनमध्ये पोहोचला. त्याच्या बोलण्याने आणि कृतीने पोलिसांच्या कामकाजात अडथळा आणला, त्यानंतर त्याच्या विरोधात तक्रार दाखल करण्यात आली. विनायकनला त्याच्या पत्नीसोबतचा वैयक्तिक वाद सोडवण्यासाठी पोलिसांनी बोलावले होते. महिला निरीक्षकांच्या उपस्थितीत दोन्ही बाजू ऐकून घेण्यात आल्या. यावेळी विनायकनं पक्षपातीपणाचा आरोप करत पोलिस ठाण्यात गोंधळ घातला. यानंतर त्यांनी लेडी इन्स्पेक्टरशी वाद घालण्यास सुरुवात केली.
विनायकन हे अनेकदा वादात
पोलीस स्टेशनच्या आवारात प्रवेश करताच सर्वप्रथम त्यांनी धूम्रपान केल्याचा आरोप अभिनेत्यावर आहे. यासाठी त्याच्यावर दंडही ठोठावण्यात आल्याचे सांगण्यात येत आहे. मिळालेल्या माहितीनुसार, स्टेशन कर्मचाऱ्यांशी झालेल्या वादानंतर विनायकन अपशब्द वापरले. विनायकन वादात सापडण्याची ही पहिलीच घटना नाही. यापूर्वी त्यांनी माजी मुख्यमंत्री ओमन चंडी यांच्या मृत्यूनंतर त्यांच्यावर असंवेदनशील टिप्पणी केली होती. त्यांच्या वक्तव्यानंतर जमावाने त्याच्या निवासस्थानावर हल्ला केला. या वर्षाच्या सुरुवातीला इंडिगो एअरलाइन्सने गोवा-कोची फ्लाइटमध्ये सहप्रवाशासोबत गैरवर्तन केल्याप्रकरणी त्याच्याविरोधात तक्रार दाखल केली होती.
