मुंबई : जिनिलिया आणि रितेश देशमुख दे दोन्हीही कलाकार रसिकांना नेहमीच भुरळ घालतात. आता ते दोघेही पुन्हा येणार आहेत पुन्हा नवीन चित्रपटाच्या निमिताने आणि तेही वेगवेगळ्या भूमिकेत.. जिनिलिया ‘वेड’ या चित्रपटातून प्रथमच मराठीत तर रितेश देशमुख हा प्रथमच दिग्दर्शक म्हणून पदार्पण करणार आहे. या चित्रपटाचा टीझर नुकताच प्रदर्शित झाला असून प्रेम आणि वेड या दोन शब्दांचीच कथा असल्याचे दिसत आहे.
प्रेम असे समुद्रासारखे. कोणाच्या नशिबी लाट, तर कोणाच्या नशिबी काठ… या संवादाने या टिझरची सुरुवात होतेय. तर ‘काही वेड्यासारखे प्रेम करतात, तर काही प्रेमातले वेड होतात’ असा संवादही लक्ष वेधून घेतोय. वेड तुझा विरह वणवा…असं गाणं ऐकालया मिळतंय. यावरून ही दोघांच्या विरहाची गोष्ट असल्याचं चित्र आहे.
मनात थोडी आतुरता, थोडी भीती, पण प्रचंड वेड, आपल्याला आवडेल दिग्दर्शक म्हणून प्रथमच प्रयत्न करणाऱ्या रितेश देशमुखचे म्हणणे आहे. आवड म्हणून हिंदी, प्रेम म्हणून तेलगू, तामिळ, कन्नड, मल्याळम आणि मराठी असा जिनिलियाने प्रवास केला आहे. त्यामुळे मराठी चित्रपटात जिनिलिया काय कमाल दाखविणार याची प्रेक्षकांना उत्सूकता आहे.
वेड हा चित्रपट ३० डिसेंबरला प्रदर्शित होणार आहे. गेल्या महिन्यात रितेशने या चित्रपटाचं पोस्टर शेयर केले होते. तेव्हापासून या चित्रपटाविषयी रसिकांना उत्सुकता आहे.
