मुंबई : पहिल्या दोन दिवसातच दृश्यम २ हा सिनेमा प्रेक्षकांच्या पसंतीला उतरल्याने या चित्रपटाला चांगला प्रतिसाद मिळत आहे. ट्रेलरमुळे चित्रपटाबाबत प्रेक्षकांत उत्सुकता निर्माण झाली होती. त्यातच ट्रेलरमध्ये अजय देवगण आपण केलेल्या कृत्याची काबुली देत असल्याने पहिल्या दृश्यममध्ये घातलेला घाट फसतोय कि काय अशी उत्सूकता प्रेक्षकांना होती.
मात्र, अनपेक्षित धक्के देत हा चित्रपट तिकीटबारीवर सुसाट सुटला असल्याने आगामी काही दिवसातच १०० कोटी क्लबमध्ये पदार्पण करण्याची शक्यता निर्माण झाली आहे,
पहिल्या दिवशी या चित्रपटाने १५. ३८ कोटी, दुसऱ्या दिवशी २१.५९ कोटी, तिसऱ्या दिवशी २१. १७ कोटी तर सोमवारी चौथ्या दिवशी १० कोटींची कमाई केली.
आतापर्यंत बॉक्स ऑफिसवर या सिनेमाने 74.14 कोटींची कमाई केली असून या चित्रपटाची निर्मिती केवळ ५० कोटीमधे करण्यात आली आहे. त्यामुळे या चित्रपटाने चारच दिवसात हिटचा दर्जा मिळविला आहे.
या चित्रपटात अजय देवगण, तब्बू, श्रेया सरन, आणि अक्षय खन्ना यांच्या महत्वाच्या भूमिका आहेत. दिग्दर्शन अभिषेक पाठकने या चित्रपटाच्या दिग्दर्शनाची धुरा सांभाळली असून येत्या काही दिवसातच हा चित्रपट ओटीटी प्लॅटफॉर्मवर देखील प्रदर्शित होणार आहे.
