मुंबई : काही वर्षांपूर्वी आलेल्या दृश्यमने धुमाकूळ घातला होता. या चित्रपटाला प्रेक्षकांनी आणि समीक्षकांनी चांगला प्रतिसाद दिला होता. त्या चित्रापटातील अनेक दृश्यांचे अनेक मीम देखील चांगले प्रसिद्ध झाले आहेत. विशेतः २ व ३ ऑकटोबर च्या संदर्भांतील मीम देखील तयार करण्यात आले होते. एकदंरीत हा चित्रपट सर्वार्थाने प्रेक्षकांच्या पसंतीला उताराला. सध्याची बॉलीवूडची परिस्थिती चांगली नसल्याने या आगामी दृश्यम २ बाबत प्रेक्षकांमध्ये उत्सूकता आहे. साध्या रिमेक सिनेमांना चांगला प्रेक्षकवर्ग असला तरी सर्वच रिमेक हे प्रेक्षकांच्या पसंतीला उतरू शकले नाहीत.
‘विक्रम वेधा’ (तमिळ सिनेमाचा रिमेक), ‘लाल सिंग चड्ढा’ (हॉलिवूड सिनेमाचा रिमेक), ‘जर्सी’ (तेलुगू सिनेमाचा रिमेक), ‘बच्चन पांडे’ (तमिळ सिनेमाचा रिमेक) हे चित्रपट बॉक्स ऑफिसवर फ्लॉप ठरले. मोठे कलाकार असूनही या चित्रपटांना प्रेक्षकपसंती मिळाली नाही. हिंदी रिमेक प्रसिद्ध होण्यापूर्वीच हेच सिनेमे प्रेक्षकांना पाहण्यासाठी उपलब्ध असतात. त्यामुळे पाहिलेले सिनेमे पुन्हा नव्या कलाकारांना घेऊन पाहण्यासाठी प्रेक्षक खूप उत्सूक नसतात.
येत्या काही दिवसांत अजूनही काही रिमेक सिनेमे येणार आहेत. यामध्ये ‘दृश्यम २’ आणि ‘शहजादा’ या चित्रपटांचा समावेश आहे.यापैकी ‘दृश्यम २’ आणि ‘शहजादा’ हे मूळ दाक्षिणात्य सिनेमे हिंदीमध्ये डब झालेले नाहीत; पण ‘भोला’चा मूळ चित्रपट ‘कैथी’ हा हिंदीत ओटीटीवर उपलब्ध आहे. दुसरीकडे ‘दृश्यम २’ फक्त मल्याळीमध्ये ओटीटीवर उपलब्ध आहे. त्यामुळे आता या सिनेमांना प्रेक्षकांचा कसा प्रतिसाद मिळतोय; हे पाहणं निर्णायक असणार आहे.
अवाजवी रिमेक सिनेमाचे बजेट वाढवून सिनेमा हिट ठरेल याची खात्री देता येणार नाही असे जाणकार सांगतात. कारण, २०१७मध्ये प्रदर्शित झालेल्या ‘विक्रम वेधा’चे (तमिळ) निर्मिती मूल्य ११ कोटी रुपये होते. तर २०२२मध्ये प्रदर्शित झालेल्या हिंदीतील ‘विक्रम वेधा’चं निर्मिती मूल्य १७५ कोटी रुपये इतकं होतं. परिणामी आगामी काळात रिमेक बनवायचा की नाही याचा विचार निर्माते करतील.
येत्या काळात रिमेक सिनेमा बनवताना विचारपूर्वक आणि प्रेक्षकांची आवड-निवड लक्षात घ्यावी लागणार आहे. मूळ सिनेमासारखाच रिमेक बनवून चालणार नाही. त्यात नाविन्य आणावं लागेल. ‘दृश्यम २’मध्ये कथानकात काही नवी पात्रं आणली आहेत; जी मूळ सिनेमात नाही. तसंच दिग्दर्शकानं सिनेमाची मांडणी वेगळ्या पद्धतीनं केलीय. प्रेक्षकांना वेगळा अनुभव देण्याचा आमचा प्रयत्न आहे., असे अभिनेता दिग्दर्शक अजय देवगण एका खाजगी वृत्तवाहिनीशी बोलताना सांगितले.
