KBC Amitabh Bachchan Fees : मुंबई : मनोरंजन विश्वात केबीसी (कौन बनेगा करोडपती) ची लोकप्रियता मोठी आहे. मागील दीड दशकापासून या रियॅलिटी शो ने प्रेक्षकांना आकर्षित केले आहे. अमिताभ बच्चन यांनी या शोच्या होस्टिंगची धूरा सांभाळली आहे. त्यांच्या होस्टिंगचे असंख्य चाहते आहेत त्यामुळे केबीसीची लोकप्रियता वाढल्याचे दिसून आले आहे. असे असले तरी अमिताभ बच्चन यांना या शोच्या माध्यमातून किती मानधन मिळत हो पाहूयात.
केबीसीची गोष्टच वेगळी आहे. सध्या केबीसीच्या शोसाठी बिग बी अमिताभ बच्चन किती मानधन घेतात याची चर्चा सुरु आहे. केबीसीच्या प्रत्येक शो साठी दिले जाणारे मानधन हे मोठे असल्याचे सांगण्यात येते. अमिताभ यांना त्यांच्या पडत्या काळात या रियॅलिटी शो ने मोठा आधार दिल्याचे त्यांनीच अनेक मुलाखतींमधून सांगितले आहे.
एशियन टीव्ही न्यूज आणि सियासॅट यांच्या एका रिपोर्टनुसार बिग बी यांनी पहिल्या सीझनमधील प्रत्येक एपिसोडसाठी २५ लाख रुपये घेतले होते. २००० साली पहिल्यांदा केबीसीचा शो प्रेक्षकांसमोर आला. तेव्हापासून हा शो प्रेक्षकांचे अविरत मनोरंजन करताना दिसून आला आहे.त्यानंतर सीझन ५ मधील एपिसोडसाठी एक कोटी रुपयांचे मानधन घेतले होते. सहाव्या आणि सातव्या सीझनसाठी देखील बिग बी यांना दीड ते दोन कोटी रुपयांचे मानधन मिळाले होते.
मानधनात वाढ
आठव्या सीझनसाठी बिग बींनी एका एपिसोडसाठी दोन कोटी रुपये एवढे मानधन मिळत होते. तर ९ व्या सीझनसाठी दिली जाणारी रक्कम ही अडीच कोटी आणि दहाव्या सीझनला ३ कोटींचे मानधन दिले गेले. यानंतर अकरा ते तेराव्या सीझनपर्यत बिग बी यांना दिले जाणाऱ्या मानधनात फारसा फऱक नव्हता. आता १४ व्या आणि १५ व्या सीझनसाठी चार ते पाच कोटी रुपयांचे मानधन घेतल्याची चर्चा आहे.
