पुणे : कौन्सिल फॉर द इंडियन स्कूल सर्टिफिकेट एक्झामिनेशन्स (CISCE) ने ICSE (दहावी वर्ग) बोर्ड परीक्षांचे निकाल जाहीर करण्याची तारीख जाहीर केली आहे.
निकाल 17 जुलै 2022 रोजी सायंकाळी 5 वाजता जाहीर होईल. बोर्ड ऑनलाइन पद्धतीने निकाल जाहीर करेल. या वर्षी CISCE 10वी परीक्षेत बसलेले सर्व उमेदवार बोर्डाच्या अधिकृत वेबसाइट cisce.org किंवा results.cisce.org वर जाऊन त्यांचे निकाल तपासू आणि डाउनलोड करू शकतील.
कौन्सिल फॉर द इंडियन स्कूल सर्टिफिकेट एक्झामिनेशन्सने निकालाशी संबंधित नोटीस जारी केली असून टर्म-1 आणि टर्म-2 या दोन्ही परीक्षांमधील विद्यार्थ्यांच्या कामगिरीच्या आधारे विद्यार्थ्यांचे निकाल तयार केले जातील, अशी माहिती दिली आहे. यासोबतच विद्यार्थ्यांच्या अंतिम निकालात अंतर्गत मूल्यमापनाचे गुणही जोडले जाणार आहेत.
भारतीय शालेय प्रमाणपत्र परीक्षा परिषदेने 25 एप्रिल 2022 ते 23 मे 2022 या कालावधीत दहावीची टर्म-2 परीक्षा घेतली होती. कोरोना महामारीचा उद्रेक लक्षात घेऊन ही परीक्षा दोन टर्ममध्ये घेण्यात आली होती. ही परीक्षा देशातील विविध ठिकाणी नियुक्त केंद्रांवर काळजीपूर्वक घेण्यात आली.
या वेबसाइट्सवर निकाल तपासले जाऊ शकतात :
cisce.org
results.cisce.org
results.nic.in
