नवी दिल्ली: गौतम अदानी यांच्या अदानी समूहाने एक निवेदन जारी केले आहे की, समूहाची कोणतीही उपकंपनी उत्तराखंडमधील सिल्क्यरा बोगद्याच्या बांधकामात गुंतलेली नाही. समूहाने आपल्यावर करण्यात आलेले आरोप निंदनीय असल्याचे म्हटले आहे. या आरोपांमध्ये बोगदा बांधणाऱ्या कंपनीत त्यांचे शेअर्स असल्याचे म्हटले होते.
सोशल मीडियावर सातत्याने असे बोलले जात होते की, सिल्कयारा बोगद्याच्या बांधकामाशी संबंधित कंपनीचे अदानी समूहाशी संबंध असून बांधकाम कंपनीत अदानी समूहाचे शेअर्स आहेत. त्यानंतर अदानी समूहाने हे आरोप फेटाळून लावले आहेत. बोगद्याच्या बांधकामाशी समूहाचा प्रत्यक्ष किंवा अप्रत्यक्षपणे काहीही संबंध नसल्याचे सांगितले. अदानी समूहाच्या प्रवक्त्याने सांगितले की, समूहाचे बोगदा बांधकाम कंपनीत कोणतेही शेअर्स नाहीत. ते म्हणाले, आम्ही हे स्पष्ट करू इच्छितो की, अदानी समूह किंवा त्यांच्या कोणत्याही उपकंपन्यांचा बोगद्याच्या बांधकामात प्रत्यक्ष किंवा अप्रत्यक्ष सहभाग नाही. तसेच त्या कंपनीमध्ये आमचे कोणतेही शेअर्स नाहीत.
माजी राज्यसभा खासदार सुब्रमण्यम स्वामी यांनीही सोशल मीडिया प्लॅटफॉर्म X वर लिहिले की, उत्तराखंड बोगदा कोणत्या खाजगी कंपनीद्वारे बांधला जात आहे? जेव्हा हा बोगदा कोसळला तेव्हा त्याचे भागधारक कोण होते? अदानी ग्रुप देखील यापैकी एक आहे का? मी फक्त विचारतोय?
Clarification on nefarious attempts to link us to the unfortunate collapse of a tunnel in Uttarakhand. pic.twitter.com/4MoycgDe1U
— Adani Group (@AdaniOnline) November 27, 2023
सिल्क्यरा बोगदा हा हैदराबादस्थित नवयुग इंजिनिअरिंग कंपनी लिमिटेड बांधत आहे. अदानी समूहाने अपघाताशी आपले नाव जोडण्याच्या प्रयत्नाचा निषेध केला आणि म्हटले की, या वेळी आमचे विचार आणि प्रार्थना अडकलेल्या कामगार आणि त्यांच्या कुटुंबियांसोबत आहेत.
