Youth Drowned : उरुळी कांचन, (पुणे) : दारूच्या नशेत समतोल बिघडून विहरीत पडल्यामुळे एका 42 वर्षीय तरुणाचा पाण्यात बुडून दुर्दैवी मृत्यू झाल्याची घटना घडली आहे. उरुळी कांचन (ता. हवेली) ग्रामपंचायत हद्दीतील आशिष एकनाथ कांचन यांच्या विहिरीत सोमवारी (ता. 25) दुपारी साडेतीन वाजण्याच्या सुमारास हा प्रकार उघडकीस आला. याप्रकरणी उरुळी कांचन पोलिसांत अकस्मात मृत्यूची नोंद करण्यात आली आहे. Youth Drowned
नासिर मगदुम सय्यद (वय 42, रा. श्रीकृष्ण मंदीराचे पाठीमागे उरूळी कांचन ता. हवेली) असे बुडून दुर्दैवी मृत्यू झालेल्या व्यक्तीचे नाव आहे. याबाबत महम्मद मगदुम सय्यद वय 49, धंदा- बेकरी रा. पांडुरंग कृपा बिल्डींग शिंदवणे रोड, उरूळी कांचन ता. हवेली) यांनी पोलीस ठाण्यात खबर दिली. Youth Drowned
पोलिसांनी दिलेल्या माहितीनुसार, मयत नासिर सय्यद यांचा भाऊ महम्मद सय्यद हे घरी असताना, त्यांचे चुलत भाऊ वजीर महेबुब सय्यद यांनी फोन करून सांगीतले कि तूझा लहान भाऊ नासिर हा दारूच्या नशेत आशिष कांचन यांच्या विहिरीत पडला आहे, तू तातडीने ये, घटनेची माहिती मिळताच महम्मद सय्यद यांनी तात्काळ विहिरीकडे धाव घेतली. Youth Drowned
उरुळी कांचन पोलीस ठाण्याचे पोलीस कर्मचारी देखील माहिती मिळताच तात्काळ घटनास्थळी दाखल झाले होते. पोलीस आणि स्थानिक नागरिकांच्या मदतीने विहिरीच्या पाण्यातून नासिर सय्यद यांना बाहेर काढण्यात आले. विहिरीतून बाहेर काढल्यानंतर नासिर सय्यद यांना तात्काळ रुग्णवाहिकेमधून उपचारासाठी उरुळी कांचन येथील शासकीय रुग्णालयात दाखल करण्यात आले. Youth Drowned
दरम्यान, रुग्णालयातील डॉक्टरांनी त्यांना तपासण्यापूर्वीच त्यांचा पाण्यात बुडून मृत्यू झाल्याचे घोषित केले. त्यानुसार पोलिसांनी अकस्मात मयत प्रमाणे गुन्हा नोंदवला आहे. या घटनेचा पुढील तपास पोलीस अंमलदार कमलेश होले करत आहेत. Youth Drowned
