Wagholi News : वाघोली, (पुणे) : लोणीकंद पोलीस ठाण्याच्या हद्दीतील वाघोली परिसरात गोडावूनचा पत्रा फोडून अज्ञात चोरट्यांनी तब्बल ६५ लाख रुपयांचे १०५ आयफोन १४, आय फोन १४ प्रो चोरून नेल्याची घटना घडली आहे. Wagholi News
याप्रकरणी वैभव झेंडे यांनी लोणीकंद पोलिस ठाण्यात फिर्याद दिली आहे. लोणीकंद पोलिसांनी याप्रकरणी अज्ञात व्यक्तींवर गुन्हा दाखल केला आहे
याप्रकरणी अधिक माहिती अशी की, रात्री फिर्यादी यांनी नेहमीप्रमाणे गोडाऊन बंद केले होते. त्यानंतर रात्रीच्या सुमारास अज्ञात चोरट्याने गोडाऊनचा सिमेंटचा पत्रा फोडून आत प्रवेश केला आणि जबरी चोरी केली.
चोरट्याने ६५ लाख रुपये किमतीचे अॅपल कंपनीचे आयफोन १३, आयफोन १४, आयफोन १४ प्रो, या मॉडेलचे वेगवेगळ्या रंगाचे एकूण १०५ मोबाईल सेट व १ मोबाईल चार्जंग ५ अॅडपटर केबल सह लंपास केले
दुसऱ्या दिवशी फिर्यादी नेहमीप्रमाणे गोडाऊनमध्ये आले असता हा संपूर्ण प्रकार त्यांच्या लक्षात आला. त्यांनी तातडीने या प्रकरणी तक्रार दिली. लोणीकंद पोलिसांनी या प्रकरणी गुन्हा दाखल केला असून अधिक तपास सुरू आहे. Wagholi News
