राहुलकुमार अवचट
Yavat News : यवत, (पुणे) : श्री संत शिरोमणी सावता माळी महाराज पुण्यतिथी यवत येथे विविध धार्मिक कार्यक्रमाने साजरी करण्यात आली. रविवारी (ता. १६) यवत येथील श्री संत शिरोमणी सावतामाळी महाराज मंदिर, (रायकर मळा), येथे पहाटे काकड आरती, सकाळी अभिषेक व सत्यनारायण महापुजा, समाधी सोहळा भजन व पुष्पवृष्टी दुपारी सार्वजनिक भजन, सायंकाळी हरिपाठ आदि धार्मिक कार्यक्रम संपन्न झाले. Yavat News
सायंकाळी ह. भ. प. शामसुंदर महाराज ढवळे (हिंगणीबेर्डी) यांचे सुश्राव्य असे हरि किर्तन संपन्न झाले रात्री महाप्रसादाचे वाटप करण्यात आले यावेळी यवत परिसरातील व पंचक्रोशीतील भाविकांनी मोठ्या प्रमाणात गर्दी केली होती.
दरम्यान, श्री संत शिरोमणी सावतामाळी महाराज मित्र मंडळ, यवत,(रायकरमळा/कुदळेमळा) व यवत येथील समस्त भजनी मंडळ व भाविकांच्या सहकार्याने पुण्यतिथी कार्यक्रम संपन्न झाला.
