Entertainment News : मुंबई : प्रसिद्ध चित्रपट दिग्दर्शक रोहित शेट्टी आणि बॉलिवूडचा सुपरस्टार अजय देवगण यांच्या “सिंघम” या चित्रपटाला प्रेक्षकांचा उदंड प्रतिसाद लाभला होता. सिंघम चित्रपटातील ऍक्शन सिन्स, रोमांसने चाहत्यांना अक्षरशः भुरळ घातली होती. आता पुन्हा एकदा अजय देवगण आणि रोहित शेट्टी यांची जोडगोळी त्यांच्या “सिंघम ३” या आगामी चित्रपटातून बॉलिवूडमध्ये धमाल करण्यासाठी सज्ज झाली आहे. नुकतेच रोहित शेट्टी याने “सिंघम ३” चित्रपटाबद्दल अपडेट दिले आहेत. यामुळे चाहत्यांमध्ये उत्साह आहे. विशेष म्हणजे “सिंघम ३” चित्रपटाची स्क्रीप्ट तयार असल्याचे देखील रोहित शेट्टी यांनी सांगितले आहे.
लवकरच चित्रपटाचे शूटिंग सुरू करणार
बालिवूड अभिनेता रोहित शेट्टी त्याच्या आगामी चित्रपटामुळे चर्चेत आहे. काही दिवसांपूर्वीच रोहित शेट्टी याचा सर्कस हा चित्रपट रिलीज झाला. मात्र, या चित्रपटाला फारसे यश मिळाले नाही. रणवीर सिंह याचे चित्रपट एकामागून एक फ्लॉप जाताना दिसत आहेत. सर्कस हा बिग बजेट चित्रपट होता. मात्र, त्याकडे प्रेक्षकांनी पाठ फिरवली. (Entertainment News : ) आता रोहित शेट्टी हा त्याच्या आगामी “सिंघम ३” या चित्रपटामुळे चर्चेत आहे. या चित्रपटाची स्क्रीप्ट तयार असल्याचे देखील रोहित शेट्टी हा सांगताना दिसला आहे. रोहित शेट्टी याने एका मुलाखतीत सांगितले की, तो लवकरच चित्रपटाचे शूटिंग सुरू करणार आहे.
चित्रपटाचे काम दोन ते तीन महिन्यांमध्ये सुरू होणार असल्याचे सांगितले जात आहे. विशेष म्हणजे परत एकदा रोहित शेट्टी आणि अजय देवगण यांची जोडी धमाका करताना दिसणार आहे. अजय देवगण याच्यासोबतच करीना कपूर ही देखील मुख्य भूमिकेत दिसणार आहे. (Entertainment News : ) हा चित्रपट आतापर्यंतचा सर्वात मोठा कॉप युनिव्हर्स चित्रपट असण्याची शक्यता देखील आहे. मात्र, याबाबत अद्याप कोणतीही अधिक माहिती समोर आलेली नाही.
२०११ मध्ये आलेल्या अजय देवगणच्या “सिंघम” या चित्रपटाला मिळालेल्या यशानंतर चित्रपटाचा दिग्दर्शक रोहित शेट्टी यांनी ही चित्रपट सीरिज पुढे नेली. २०१४ मध्ये ‘सिंघम रिटर्न्स’ हा चित्रपटाचा दुसरा भाग रिलीज झाला. (Entertainment News : ) अजयचा “सिंघम २” देखील बॉक्स ऑफिसवर सुपरहिट ठरला. अशा परिस्थितीत ८ वर्षांच्या प्रदीर्घ प्रतिक्षेनंतर आता चाहत्यांना “सिंघम ३”ची भेट मिळणार आहे.
दरम्यान, एका मुलाखतीमध्ये रोहित शेट्टी म्हणाला की, सर्कस चित्रपटामध्ये नक्कीच आमच्या चुका झाल्या. मात्र, चित्रपटाचे यश आणि अपयश याची जबाबदारी मी घेतो. कोणालाही दोष देण्यात अर्थ नाही.
अधिक बातम्या वाचण्यासाठी येथे क्लिक करा :
Entertainment News : अभिनेते किरण माने म्हणतात, ‘मुंबईत मी कधीच राहणार नाही’
Entertainment News : आज अभिनेता असलेला चंद्रचूर सिंग एकेकाळी करायचा युपीएससीचा अभ्यास
Entertainment News : सिंधूताई माझी माई’ मालिका 15 ऑगस्टपासून प्रेक्षकांच्या भेटीला
