Uruli Kanchan : उरुळी कांचन, (पुणे) : पुणे जिल्हाधिकाऱ्यांच्या आदेशाचे उल्लंघन करून भाडेकरूची माहिती पोलीस ठाण्यात न देणाऱ्या घरमालकावर उरुळी कांचन पोलिसांनी कायदेशीर कारवाई केली आहे. कोरेगाव मूळ येथील ‘गोल्डन नेस्ट सोसायटी’मधील एका फ्लॅट मालकाविरुद्ध भारतीय न्याय संहिता (BNS) कलम २२३ अन्वये गुन्हा नोंदवण्यात आला आहे. Uruli Kanchan
ही कारवाई कोरेगाव मूळ, (ता. हवेली) ग्रामपंचायत हद्दीतील गट नं. 203, गोल्डन नेस्ट सोसायटी, प्लॅट नं. 19 येथे बुधवारी (ता. 13) दुपारी सव्वा एक वाजण्याच्या सुमारास कोरेगाव मूळ, गट नं. 203, गोल्डन नेस्ट सोसायटी, प्लॅट नं. 19,येथे करण्यात आली. नवनाथ काळूराम दिवेकर (रा. वरवंड ता. दौंड) असे गुन्हा दाखल करण्यात आलेल्या व्यक्तीचे नाव आहे. याबाबत पोलीस हवालदार निलेश बाळासाहेब कदम, (नेमणूक दहशतवाद विरोधी शाखा, पुणे ग्रामीण) यांनी उरुळी कांचन पोलीस ठाण्यात फिर्याद दिली आहे. Uruli Kanchan
पोलिसांनी दिलेल्या माहितीनुसार, पुणे ग्रामीण दहशतवाद विरोधी शाखेचे (ATS) सहाय्यक पोलीस निरीक्षक प्रकाश पवार यांच्या मार्गदर्शनाखाली पोलीस ठाणे हद्दीत परप्रांतीय आणि संशयीत व्यक्तींच्या शोध मोहिमेचे आयोजन करण्यात आले होते. या मोहिमेदरम्यान ज्या घरमालकांनी आपल्या भाडेकरूंची माहिती विहित नमुन्यात पोलीस ठाण्याला कळवली नाही, त्यांच्यावर कारवाई करण्याचे आदेश देण्यात आले होते. Uruli Kanchan
दहशतवाद विरोधी शाखेचे पथक कोरेगाव मूळ परिसरात तपासणी करत असताना, त्यांना माहिती मिळाली की नवनाथ दिवेकर यांनी त्यांच्या कोरेगाव मूळ येथील ‘गोल्डन नेस्ट सोसायटी’मधील प्लॅट नं. १९ (गट नं. २०३) मध्ये ऋषिकेश सुरेश पवार या तरुणाला भाडेकरू म्हणून ठेवले आहे. पोलिसांनी घरमालकाकडे भाडेकरूच्या माहितीचे रेकॉर्ड मागितले असता, त्यांनी कोणतीही माहिती पोलीस ठाण्यास दिली नसल्याचे कबूल केले. Uruli Kanchan
पुणे जिल्हाधिकाऱ्यांनी 20 मार्च 2026 रोजी निर्गमित केलेल्या आदेशानुसार, सर्व घरमालकांनी आपल्या भाडेकरूंची सविस्तर माहिती स्थानिक पोलीस स्टेशनला देणे बंधनकारक आहे. भारतीय नागरीक सुरक्षा संहिता २०२३ च्या कलम १६३ अन्वये हे आदेश लागू करण्यात आले आहेत. या आदेशाचे जाणीवपूर्वक उल्लंघन केल्याप्रकरणी पोलीस हवालदार निलेश कदम यांनी फिर्याद दिली आहे. त्यानुसार नवनाथ दिवेकर यांचे विरुध्द बी. एन. एस. कलम 223 प्रमाणे कायदेषीर कारवाई करण्यात आली आहे. Uruli Kanchan
