Uruli Kanchan : उरुळी कांचन, (पुणे) : रस्त्यावरून जाताना कानठळ्या बसवणारा आवाज करणाऱ्या आणि विनाकारण दहशत निर्माण करणाऱ्या बुलेटस्वारांना उरुळी कांचन पोलिसांनी कडक दणका दिला आहे. बेकायदेशीरपणे लावलेले ‘मॉडिफाइड’ सायलेंसर जप्त करून ते जेसीबीच्या साहाय्याने जागीच नष्ट करण्याची धडाकेबाज कारवाई करण्यात आली आहे. Uruli Kanchan
उरुळी कांचन परिसरात गेल्या काही दिवसांपासून सुधारित सायलेंसर बसवून कर्कश आवाज करणाऱ्या बुलेटस्वारांमुळे नागरिक त्रस्त होते. या तक्रारींची दखल घेत पोलिसांनी विशेष मोहीम राबवली. या मोहिमेत जप्त करण्यात आलेले सायलेंसर एका मोकळ्या जागेत ठेवून त्यावर जेसीबी फिरवण्यात आला. पोलिसांच्या या ‘कडक’ कारवाईमुळे नियमबाह्य बदल करणाऱ्या वाहनचालकांचे धाबे दणाणले आहेत. Uruli Kanchan
या विशेष मोहिमेदरम्यान पोलिसांनी एकूण 27 केसेस दाखल केल्या असून, वाहनचालकांकडून 22 हजार रुपयांचा दंड वसूल केला आहे. केवळ सायलेंसरच नव्हे, तर वाहतुकीच्या इतर नियमांचे उल्लंघन करणाऱ्यांवरही यावेळी कारवाई करण्यात आली. Uruli Kanchan
सदरची कारवाई उरुळी कांचन पोलीस ठाण्याचे वरिष्ठ पोलीस निरीक्षक सचिन वांगडे, सहाय्यक फौजदार रमेश भोसले, पोलीस हवालदार कमलेश होले, संतोष जाधव, उद्धव गायकवाड, प्रशांत पवार तसेच पोलीस कॉन्स्टेबल अश्वजीत मोहोळ, अमोल खांडेकर, शरद चव्हाण, प्रदीप बालगुडे आणि सुमित वाघ यांच्या पथकाने केली आहे. Uruli Kanchan
दरम्यान, वाहतुकीचे नियम पायदळी तुडवणाऱ्या आणि ध्वनी प्रदूषण करणाऱ्यांची गय केली जाणार नाही. यापुढील काळातही अशा प्रकारची मोहीम सुरूच राहणार असल्याचे उरुळी कांचन पोलीस ठाण्याचे वरिष्ठ पोलीस निरीक्षक सचिन वांगडे यांनी सांगितले. Uruli Kanchan
