Uruli Kanchan : उरुळी कांचन, (पुणे) : घरी कोणी नसल्याची संधी साधत बंद सदनिकेचे कुलूप हातोड्याने तोडून चोरी करणाऱ्या दोन तरुणांना उरुळी कांचन पोलिसांनी काही तासातच अटक केली. उरुळी कांचन (ता. हवेली) ग्रामपंचायत हद्दीतील आश्रम रोड परिसरारील राज राज हाईट्स’ अपार्टमेंटमध्ये शनिवारी (ता. 25) दुपारी अडीच वाजण्याच्या सुमारास हि घटना घडली होती. Uruli Kanchan
अनिरुध्द राजेंद्र चौधरी (वय 21, रा. धनगरवस्ती सोरतापवाडी ता. हवेली), व यश सुहास खेडेकर (वय 21 रा. आश्रम रोड उरुळी कांचन, ता. हवेली) अशी अटक करण्यात आलेल्या दोन्ही चोरट्यांची नावे आहेत. याप्रकरणी भाग्यश्री नितीनकुमार गुरख (वय 36 व्यवसाय -शिक्षक रा. आश्रम रोड राज हाईट्स अपार्टमेंट प्लॅट न 204 उरुळी कांचन ता. हवेली) यांनी उरुळी कांचन पोलीस ठाण्यात फिर्याद दिली होती. Uruli Kanchan
वरील दोन्ही आरोपींनी घरातून रोख रक्कम आणि सोन्याची अंगठी असा एकूण 70 हजार 710 रुपयांचा ऐवज लंपास केला होता. पोलिसांनी तातडीने सूत्रे हलवत दोन्ही आरोपींच्या मुसक्या आवळल्या असून त्यांच्याकडून चोरीचा सर्व माल हस्तगत केला आहे. घरफोडीचा छडा काही तासांतच लावल्याने उरुळी कांचन परिसरात पोलिसांच्या कामगिरीचे नागरिकांकडून कौतुक होत आहे. Uruli Kanchan
पोलिसांनी दिलेल्या माहितीनुसार, उरुळी कांचन हद्दीतील आश्रम रोडवरील ‘राज हाईट्स’ अपार्टमेंटमध्ये राहणाऱ्या शिक्षिका भाग्यश्री गुरख (वय ३६) या शनिवार दुपारी घराला कुलूप लावून बाहेर गेल्या होत्या. दुपारी अडीच वाजण्याच्या सुमारास आरोपी अनिरुद्ध चौधरी याने त्यांच्या फ्लॅटचे कुलूप हातोड्याने तोडून आत प्रवेश केला. घरातील बेडरूममधील लोखंडी कपाटाचा ड्रॉवर उचकटून त्याने त्यातील 25 हजार 710 रुपये रोख रक्कम आणि 45 हजार रुपये किमतीची अर्धा तोळा वजनाची सोन्याची अंगठी चोरून नेली. Uruli Kanchan
घरफोडी झाल्याचे लक्षात येताच भाग्यश्री गुरख यांनी उरुळी कांचन पोलीस ठाण्यात धाव घेऊन तक्रार दाखल केली. घटनेचे गांभीर्य ओळखून पोलीस निरीक्षक सचिन वांगडे यांच्या मार्गदर्शनाखाली तपास पथकाने तातडीने तपासाला सुरुवात केली. तांत्रिक विश्लेषण आणि गोपनीय माहितीच्या आधारे पोलिसांनी आरोपी अनिरुद्ध चौधरी याला सायंकाळी साडेसात वाजता सोरतापवाडी येथून ताब्यात घेतले. Uruli Kanchan
त्याच्याकडे अधिक चौकशी केली असता, त्याने हि चोरी त्याचा साथीदार यश खेडेकर याच्या मदतीने केली असल्याची माहिती पोलिसांना दिली. पोलिसांनी तातडीने या गुन्ह्यात त्याला साथ देणारा दुसरा आरोपी यश खेडेकर यालाही रात्री उशिरा अटक करण्यात आली. पोलिसांनी आरोपींकडून चोरीला गेलेली सर्व रक्कम आणि सोन्याची अंगठी असा 70 हजार 710 रुपयांचा मुद्देमाल जप्त केला. Uruli Kanchan
दरम्यान, याप्रकरणी वरील दोन्ही आरोपींवर भारतीय न्याय संहितेच्या (BNS) कलम ३३१(३), ३०५ अन्वये गुन्हा दाखल केला असून पुढील तपास पोलीस हवालदार चोरमले करीत आहेत. Uruli Kanchan
