पुणे : पुण्यातील सिंहगड रोडवर एक अपघात झाला. चालकाचे वाहनावरील नियंत्रण सुटल्याने कारने तीन महिलांना जोरदार धडक दिली. या अपघातात तीन महिलांसह एक लहान मुलगा जखमी झाला. ही घटना मंगळवारी (दि.२५) रात्री आठच्या सुमारास सिंहगड रोड भागातील हिंगणे चौकात घडली.
सिंहगड रोडवरून जाणाऱ्या भरधाव कारवरील चालकाचे नियंत्रण सुटले. त्यामुळे अपघात झाला. हिंगणे बस स्थानकावर उभ्या असलेल्या गाडीला कार धडकली. त्यानंतर या कारने तीन महिलांना उडवलं. या अपघातात एका मुलगा देखील जखमी झाला असून, या संपूर्ण घटनेचे सीसीटीव्ही फुटेज समोर आले आहे.
दरम्यान, या अपघातानंतर सिंहगड रोडवर एकच गोंधळ उडाला होता. अनेक नागरिक एकत्र जमले होते. अपघाताची माहिती मिळताच स्थानिक नागरिकांनी रुग्णवाहिका बोलावून जखमी महिला आणि मुलाला वैद्यकीय उपचारांसाठी रुग्णालयात नेले.
रस्ते अपघातात होतीये वाढ
पुणे आणि परिसरात गेल्या काही दिवसांपासून अपघाताच्या संख्येत वाढ होताना दिसत आहे. डंपरची धडक लागून झालेल्या अपघातांचं प्रमाणही जास्त आहे. त्यामुळे हा डंपरचा वेग अनेकांच्या मृत्यूचं कारण बनत आहे. त्यात आता भरधाव कारने धडक दिल्याने महिला जखमी झाल्या आहेत.
View this post on Instagram
