पुणे : पुण्यातील भारती विद्यापीठ पोलीस स्टेशनच्या हद्दीमध्ये असणाऱ्या सिंहगड लॉ कॉलेज परिसरात दोन तरुणांनी हातात कोयते घेऊन दहशत मजावल्याचा धक्कादायक प्रकार उघडकीस आला आहे.
यात एक तरुण गंभीर जखमी झाला असून त्याला उपचारासाठी रुग्णालयात दाखल करण्यात आले आहे. याप्रकरणी भरती विद्यापीठ पोलिस ठाण्यात गुन्हा दाखल करण्यात आला आहे.
याप्रकणी पोलिसांनी एकाला ताब्यात घेतले असून तो अल्पवयीन असल्याचे समजते. तर दुसऱ्या आरोपीचे नाव करण दळवी असून पोलिस त्याचा शोध घेत आहेत.
Video : पुण्यात टोळक्याची कोयत्याचा धाक दाखवत दहशत pic.twitter.com/XktSxAF051
— Ravindra A Deshmukh (@Rdeshmukh11) December 29, 2022
मिळालेल्या माहितीनुसार, सिंहगड लॉ कॉलेज रोडवर काल दोन तरुणांनी हातात चाकू सूरे घेऊन परिसरातील दुकानांमध्ये जाऊन अनेक लोकांना त्यांनी त्यांच्या हातातील शस्त्रांनी भोसकले. रस्त्यात जो दिसेल त्याला चाकू दाखवून भीती दाखविली.
या घटनेची माहिती मिळताच सिंहगड रोड पोलिस ठाण्याचे मार्शल यांनी या दोघांना पाठलाग करून पकडले. मात्र यातील एक जण पळून गेला. पोलिसांनी एकाला ताब्यात घेतले. या घटनेचा व्हिडिओ देखील समोर आला आहे. या घटनेचा पुढील तपास पोलीस करीत आहे.
