Pune News : पुणे, : सोशल मीडियाचा वापर करून समाजात दहशत निर्माण करणाऱ्या गुन्हेगारांविरुद्ध पुणे शहर पोलिसांनी विशेष मोहीम हाती घेतली आहे. इन्स्टाग्राम आणि व्हॉट्सॲपवर तलवारीचे स्टेटस ठेवून लोकांमध्ये भीती पसरविणाऱ्या अक्षय विकास कांबळे (वय -27) या तरुणाला गुन्हे शाखा युनिट-2च्या पथकाने बेड्या ठोकल्या आहेत. हि कारवाई शनिवारी (ता. 25) करण्यात आली. Pune News
पोलिसांनी दिलेल्या माहितीनुसार, शनिवारी गुन्हे शाखा युनिट-2 चे कर्मचारी विशाल दळवी, ओंकार कुंभार आणि ऋषीकेश व्यवहारे हे वानवडी आणि रामटेकडी परिसरात गस्त घालत होते. यावेळी पोलीस हवालदार विशाल दळवी आणि पोलीस शिपाई ऋषीकेश व्यवहारे यांना गोपनीय बातमीदारामार्फत माहिती मिळाली की, एक तरुण हातात तलवार घेऊन रामटेकडी येथील प्रथमा बिल्डिंगच्या पार्किंगमधील पत्राशेडमध्ये थांबला आहे. तसेच त्याने या शस्त्राचे फोटो आणि व्हिडिओ सोशल मीडियावर स्टेटस म्हणून ठेवून परिसरात दहशत निर्माण करण्याचा प्रयत्न केला आहे. Pune News
मिळालेल्या माहितीची खात्री पटताच गुन्हे शाखेच्या पथकाने प्रथमा बिल्डिंगच्या पार्किंगमध्ये छापा टाकला. पोलिसांनी अक्षय विकास कांबळे (रा. शांतीनगर, रामटेकडी, पुणे) याला शिताफीने ताब्यात घेतले. त्याच्या अंगझडतीमध्ये तीन हजार 500 रुपये किमतीची लोखंडी पात्याची तलवार मिळून आली. पोलिसांनी ही तलवार जप्त करून आरोपीला अटक केली आहे. Pune News
दरम्यान, आरोपीची वैद्यकीय तपासणी केल्यानंतर, त्याच्याविरुद्ध वानवडी पोलीस ठाण्यात गुन्हा रजि. नंबर १७७/२०२६ नुसार भारतीय शस्त्र अधिनियम कलम ४(२५) तसेच महाराष्ट्र पोलीस कायदा कलम ३७(१) आणि १३५ प्रमाणे गुन्हा दाखल करण्यात आला आहे. Pune News
सदरची कामगिरी सहायक पोलीस आयुक्त गुन्हे-1शैलेश संखे यांचे मार्गदर्शनाखाली प्रभारी पोलीस निरीक्षक अश्विनी जगताप, सहायक पोलीस निरीक्षक अमोल रसाळ, साधना ताम्हाणे, विशाल दळवी, शंकर नेवसे, ओंकार कुंभार, ऋषीकेश व्यवहारे, सद्दाम तांबोळी यांचे पथकाने केलेली आहे. Pune News
