Baramati News : बारामती, (पुणे) : बारामती एमआयडीसी रोडवर वैभव वाईन्सच्या शेजारी रस्त्याच्या कडेला उघडपणे सुरू असलेल्या ‘ओपन बार’वर पोलिसांनी सर्जिकल स्ट्राईक केला आहे. सायंकाळी सात ते साडेनऊच्या दरम्यान करण्यात आलेल्या या धडक कारवाईमुळे परिसरात अवैध धंदे करणाऱ्यांचे धाबे दणाणले असून, संबंधित वाईन्स शॉपलाही पोलिसांनी लेखी नोटीस बजावली आहे. अशी माहिती बारामती ग्रामीण पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिली. Baramati News
रिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, संतोष शहा (गुड्डू पान शॉप) आणि अशोक लोंढे (मालिक टी टपरी) हे दोघे वैभव वाईन्समधून मद्य खरेदी करणाऱ्या ग्राहकांना ग्लास, पाणी आणि चकणा उपलब्ध करून देत होते. इतकेच नाही तर रस्त्याच्या कडेलाच बसून मद्यपान करण्यास प्रोत्साहन देऊन त्यांनी तिथे अनधिकृत ‘ओपन बार’च थाटला होता. यामुळे मद्यपींचा राबता वाढल्याने स्थानिक नागरिक आणि पादचाऱ्यांना मोठा त्रास सहन करावा लागत होता. Baramati News
कारवाईदरम्यान पोलिसांना आशिष वाल्मिकी (अंडा भुर्जी टपरी) आणि नौशाद मुलानी (नूर चिकन सेंटर) हे दोघेही कोणतीही कायदेशीर परवानगी न घेता व्यवसाय करताना आढळले. हे व्यावसायिक कचरा थेट रस्त्यावर टाकून परिसरात अस्वच्छता पसरवत असल्याचेही समोर आले. नागरिकांच्या वाढत्या तक्रारींची दखल घेत पोलिसांनी या चौघांविरुद्ध मुंबई पोलीस कायदा कलम ३३ (डब्ल्यू) व ११५ अन्वये गुन्हे दाखल केले आहेत. Baramati News
दरम्यान, पोलिसांनी कारवाई दरम्यान संबंधितांची वाहने आणि साहित्य जप्त करून पोलीस ठाण्यात जमा केले आहे. हे संपूर्ण प्रकरण आता न्यायालयात दाखल करण्यात आले आहे. ही धाडसी कारवाई पोलीस निरीक्षक चंद्रशेखर यादव, पोलीस उपनिरीक्षक अमोल कदम, पोलीस अंमलदार भारत खारतोडे, नितीन ढवण, शशिकांत दळवी, निलेश वाकळे, हनुमंत पाटील, दादा दराडे, ओंकार भोसले आणि संतोष कांबळे यांच्या पथकाने केली. Baramati News
