Pune News : पुणे : प्रथम स्वतःच्याच हातावर ब्लेडने वार केले, नंतर विषारी औषध प्राशन केले आणि अखेर गळफास घेऊन आत्महत्या केल्याची घटना सिंहगड रस्ता परिसरातून उघडकीस आली आहे. संबंधित तरुण कोथरुड येथील एका नामांकित संस्थेत शिक्षण घेत होता. या तरुणाने प्रेमप्रकरणातून आत्महत्या केल्याची शक्यता वर्तविण्यात येत आहे.
सिंहगड रस्ता परिसरातील घटना
याबाबत मिळालेल्या अधिक माहितीनुसार, विनित अरविंद मारु (वय १९, रा. ठाणे) असे आत्महत्या केलेल्या तरुणाचे नाव आहे. विनित हा शिक्षणासाठी ठाण्याहून पुण्यात आला होता. (Pune News) बारावी उत्तीर्ण झाल्यानंतर त्याने कोथरुडमधील एका नामांकित शिक्षण संस्थेत प्रवेश घेतला होता. तो सिंहगड रस्त्यावरील एका वसतिगृहात राहत होता.
विनित याने प्रथम हातावर ब्लेडने वार केले, त्यानंतर विषारी औषध प्राशन केले व गळफास घेऊन आत्महत्या केली. दरम्यान, बराच वेळ दरवाजा उघडत नसल्याने वसतिगृहातील मित्रांनी पाहिले असता, हा प्रकार त्यांच्या लक्षात आला. सुरक्षारक्षाकांना त्यांनी याबाबतची माहिती दिली. (Pune News) या घटनेची माहिती सुरक्षारक्षकांनी पोलिसांना दिली. पोलिसांनी घटनास्थळाची पाहणी केली. त्यानंतर अधिक तपासात वसतिगृहातील मित्रांकडे चौकशी केली असता, विनितने प्रेमप्रकरणातून आत्महत्या केल्याचे उघडकीस आले आहे.
याप्रकरणी पोलिसांनी अकस्मात मृत्यूची नोंद पोलीस ठाण्यात केली आहे.
अधिक बातम्या वाचण्यासाठी येथे क्लिक करा :
Pune News : अवघ्या चार महिन्यांचे अर्भक प्लॅस्टिक पिशवीत गुंडाळून दिले फेकून
Pune News : मोबाईल न दिल्याने १६ वर्षीय मुलीची इमारतीवरून उडी मारून आत्महत्या ; पुण्यातील घटना..
Pune News : हॅलो, मी जिओ कस्टमर केअरमधून बोलतोय… तरुणीला सायबर चोरट्यांचा ५ लाखांचा गंडा
