Pune News : पुणे: पोलिस चौकीत तक्रार देण्यासाठी गेलेल्या महिलेसोबत ओळख करुन मैत्री केली. त्यानंतर पोलिस हवालदाराने त्या महिलेच्या मुलाला व पतीला खोट्या गुन्ह्यात अडकविण्याची भिती दाखवून तिच्या वेगवेगळ्या ठिकाणी नेऊन बलात्कार केल्याचा आरोप केल्याचा धक्कादायक प्रकार समोर आला आहे. याप्रकरणी गुन्हा चंदननगर पोलीस ठाण्यात दाखल झाला आहे. तसेच तिच्या विरुद्ध हवालदाराने तक्रार दिली आहे. त्यात बलात्काराचा खोटा अर्ज देऊन बदनामी करण्याची धमकी देऊन १ लाख रुपये खंडणी घेतल्याचा आरोप केला आहे. (A police constable rapes a woman)
चंदननगर पोलिस ठाण्यात फिर्याद दाखल
याबाबत एका ४० वर्षाच्या महिलेने चंदननगर पोलिस ठाण्यात फिर्याद दिली आहे. त्यानुसार पोलीस हवालदार राहुल अशोक मद्देल (वय ४२, रा. नाना पेठ) असे गुन्हा दाखल झालेल्या पोलिस हवालदाराचे नाव आहे. (Pune News) हवालदार राहुल मद्देल हा सध्या हडपसर पोलीस ठाण्यात नेमणूकीला आहे. हा प्रकार ऑक्टोबर २०१६ ते ८ डिसेबर २०२१ दरम्यान घडला आहे.
पोलिसांनी दिलेल्या माहितीनुसार, फिर्यादी या शिवराणा प्रताप पोलीस चौकीमध्ये तक्रार देण्यासाठी गेल्या होत्या. तेथे राहुल मद्देल हा ड्युटीवर होता. त्याने फिर्यादीसोबत ओळख करुन मैत्री केली. (Pune News) त्यानंतर त्यांच्या मुलास व पतीस खोट्या गुन्ह्यात अडकविण्याची भिती दाखवून फिर्यादीला खराडी येथील लॉजमध्ये तसेच इतर ठिकाणी नेऊन त्यांच्याशी शरीर संबंध प्रस्थापित केले. तसेच फिर्यादीकडून वारंवार पैसे घेतले आहेत. फिर्यादी यांची समाजात बदनामी केली आहे. या प्रकरणील पोलीस उपनिरीक्षक मुळुक तपास करत आहेत.
दरम्यान, याविरोधात आरोपी मद्देल याने खंडणीची फिर्याद दिली आहे. त्यानुसार पोलिसांनी महिला, तिचा पती व आणखी एकावर खंडणीचा गुन्हा दाखल केला आहे. (Pune News) हा प्रकार विडी कामगार वसाहतीत २० जानेवारी, २१ जानेवारी व २२ मे २०२३ रोजी घडला आहे.
महिलेने फिर्यादीशी ओळख वाढवून मैत्री केली. त्यानंतर घर खरेदी व इतर कारणासाठी वेळोवेळी २ लाख ३५ हजार रुपये घेतले़. फिर्यादी यांनी पैसे परत मागितले, असता फिर्यादीविरुद्ध महिलेने बलात्काराचा खोटा तक्रार अर्ज देऊन गुन्हा दाखल करण्याची, बदनामी करण्याची धमकी दिली. (Pune News) तसेच नोकरी घालवण्याची धमकी देऊन फिर्यादीकडून १ लाख रुपये गुगल पेद्वारे घेतले. त्यानंतर पुन्हा फिर्यादीविरुद्ध तक्रार अर्ज करुन अर्ज परत घेण्यासाठी ५ लाख रुपयांची मागणी केली असल्याचे फिर्यादीत म्हटले आहे. सहायक पोलीस निरीक्षक कांबळे तपास करीत आहेत.
अधिक बातम्या वाचण्यासाठी येथे क्लिक करा :
Pune News : बार्टीच्या आश्वासनानंतर संशोधक विद्यार्थ्यांचे आंदोलन मागे
Pune News : आत्महत्या करत असल्याची चिठ्ठी लिहून तरुणाची खडकवासला धरणात उडी घेत आत्महत्या
Pune News : एचडीएफसी बँकेच्या रिलेशन मॅनेजरनेच घातला १ कोटी ६५ लाखाला गंडा
