Pune News : पुणे : एकाच महाविद्यालयात शिकत असलेल्या मित्र-मैत्रिणीच्या झालेल्या वादामधून तरुणीवर दोघांकडून ॲसिड फेकून तिला मारण्याची धमकी दिल्याची घटना नुकतीच घडली आहे. पाषाण येथील संजय गांधी वसाहती जवळील रस्त्यावर हि घटना घडली आहे. याप्रकरणी चतुशृंगी पोलीस ठाण्यात गुन्हा दाखल करण्यात आला आहे.
गुन्हा दाखल
याप्रकरणी एका १९ वर्षीय तरुणीने चतुशृंगी पोलीस ठाण्यात दिलेल्या फिर्यादीवरून शिखा केदिया (वय १९, रा. बावधन) आणि मल्हार भोसले (वय १९, रा. औंध) यांच्यावर गुन्हा दाखल केला आहे.
पोलिसांनी दिलेल्या माहितीनुसार, ही तरुणी बालेवाडी येथे राहण्यास आहे. आरोपी शिखा आणि मल्हार तसेच फिर्यादी तरुणी एकमेकांच्या ओळखीचे आहेत. ते एकाच महाविद्यालयात शिकतात. शिखा हिने फिर्यादी तरुणीला फोन केला आणि तिला शिवीगाळ करीत दमदाटी केली.
दरम्यान, मल्हार याने पीडित तरुणीला अश्लील भाषेत शिवीगाळ करीत तिचा विनयभंग केला. घाणेरडे शब्द बोलून फिर्यादीवर ॲसिड फेकण्याची धमकी दिली. असे फिर्यादीमध्ये नमूद करण्यात आले आहे.
