Pune News : पुणे : पुण्यात एकाची धारदार शस्त्राने हत्या केल्याचा धक्कादायक प्रकार समोर आला आहे. हत्येनंतर मृतदेह कालव्याजवळील झुडपात फेकून दिला आहे. हा प्रकार किरकटवाडी सिंहगड रस्त्यावरील नांदेड फाट्याजवळील गोसावी वस्ती समोर घडला आहे. या घटनेची माहिती मिळताच पोलीसांनी घटनास्थळी धाव घेतली आहे. (In Pune, a young man was stabbed in the head with a sharp weapon and killed)
नांदेड फाट्यानजिक गोसावी वस्तीसमोरील घटना
राहुल चंद्रकांत आटोळे ( वय 36 रा. गोसावी वस्ती नांदेड ता. हवेली) असे हत्या करण्यात आलेल्या तरुणाचे नाव आहे. (Pune News) हवेली पोलीस ठाण्यात या घटनेची नोंद करण्यात आली आहे.
मिळालेल्या माहितीनुसार, मृत राहुल याचा पेरू विक्री करण्याचा व्यवसाय होता. त्याच्या डोक्यावर धारदार शस्त्राने वार केल्याच्या खोल जखमा आहेत. (Pune News) दरम्यान सकाळच्या सुमारास राहुलचा सिंहगड रस्त्यावरील सिल्वर बर्च हॉस्पिटल च्या समोर कालव्यालगत असलेल्या झुडपामध्ये रक्ताच्या थारोळ्यात पडलेला मृतदेह आढळून आला. याबाबत हवेली पोलिसांना माहिती देण्यात आल्यानंतर पोलीस निरीक्षक सचिन वांगडे , पोलीस उपनिरीक्षक दिलीप शिंदे, पोलीस हवालदार अशोक तारू, पोलीस नाईक संतोष भापकर, राजेंद्र मुंडे, प्रवीण ताकवणे हे तातडीने घटनास्थळी दाखल झाले आहेत.
दरम्यान, राहुलची हत्या नेमकी कोणी व कोणत्या कारणाने केली हे अद्याप स्पष्ट झाले नाही. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : पुण्यात पत्रकारावर गोळीबार, १५ दिवसांपूर्वीच झाला होता हल्ला
Pune News : आळंदीत लाठीमार झालेला नाही, तर किरकोळ झटापट : पोलिस आयुक्त विनयकुमार चौबे
Pune News : राज्यातील अभियांत्रिकी, कृषी, औषधनिर्माणशास्त्र ‘एमएचटी-सीईटी’चा आज निकाल
