Pimpri Crime पिंपरी : पिंपरी चिंचवड Pimpri Crime परिसरातील एका महिला सरपंचाच्या पतीला बेदम मारहाण केल्याचा धक्कादायक प्रकार उघडकीस आला आहे. या प्रकारामुळे हिंजवडी परिसरातील एकच खळबळ उडाली आहे. 3० एप्रिल २०२३च्या रात्री सव्वा एकच्या सुमारास ही घटना सुमा माणगाव देवी मंदिरासमोर घडली आहे. याबाबत हिंजवडी पोलिसात १० ते १२ जणांविरोधात गुन्हा दाखल करण्यात आला आहे.
या प्रकरणी सचिन मच्छिंद्र आढाव यांनी फिर्याद दिली आहे. त्यानुसार, रवी बोडके, राज बहिरट, प्रदीप पारखी, सोन्या बोडके, सचिन बोडके यांच्यासह १० ते १२ जणा विरोधात हिंजवडी पोलिसात गुन्हा दाखल करण्यात आला आहे.
पत्नीने सरपंच पदाचा राजीनामा द्यावा. याकारणासाठी १० ते १२ जणांच्या टोळक्याने सरपंच पत्नीच्या पतीला सिमेंटच्या ब्लॉकने बेदम मारहाण केली आहे. यात पती गंभीर जखमी झाला आहे. या घटनेने माण गावात तणावाचे वातावरण निर्माण झाले आहे.
पोलिसांनी दिलेल्या माहितीनुसार…!
फिर्यादी सचिन आढाव यांच्या पत्नी या माण गावच्या सरपंच आहेत. त्यांच्या पत्नीने राजीनामा द्यावा, अशी मागणी करत पतीच्या चारचाकी गाडीवर १० ते १२ जणांच्या टोळक्याने सिमेंटचे ब्लॉक मारून नुकसान केले आहे. तसेच सरपंच पत्नीच्या पतीला देखील ब्लॉकने मारहाण केली. तुला जीवे ठार मारतो अशी धमकी देखील दिली आणि जीवे ठार मारण्याच्या उद्देशाने हल्ला केला.
