(Pune Accident) लोणी काळभोर, (पुणे) : पुणे सोलापुर महामार्गावरील थेऊर फाटा येथे दुचाकी घसरल्याने झालेल्या अपघातात दोघेजण जखमी झाल्याची घटना घडली आहे. हा अपघात (Pune Accident) बुधवारी (ता. १५) सायंकाळी पाऊणे सहा वाजण्याच्या सुमारास घडला.
लोणी काळभोर येथील खाजगी रुगणालयात उपचार…!
सुनिल लडकत (वय- अंदाजे ३३, रा. थेऊर फाटा, कुंजीरवाडी, ता. हवेली) व चंदन विठ्ठल खाडे (वय – अंदाजे ३० मूळ रा. बारामती, सध्या थेऊर फाटा) अशी अपघातात जखमी झालेल्या दोघांची नावे आहेत. त्यांच्यावर लोणी काळभोर येथील एका खाजगी रुगणालयात उपचार सुरु आहेत.
मिळालेल्या माहितीनुसार, पुणे सोलापूर महामार्गावरील थेऊर फाटा परिसरात सुनील लडकत व चंदन खाडे हे दोघेजण थेऊर फाटा या ठिकाणी दुचाकी घरून आले होते. सायंकाळी पाऊणे सहा वाजण्याच्या सुमारास अचानक दुचाकीवरील नियंत्रण सुटून रस्त्यावर घसरून पडले.
दरम्यान अपघाताची माहिती मिळताच विश्वराज हॉस्पिटल येथील रुग्णवाहिकेतून रुग्णालयात दाखल करण्यात आले आहे. या अपघातात दोघेजण जखमी झाले असून त्यांच्यावर उपचार सुरु आहेत.
अधिक बातम्या वाचण्यासाठी येथे क्लिक करा…!
