(Loni Kalbhor Crime )लोणी काळभोर, (पुणे) : कौटुंबिक किरकोळ वादातून झालेल्या भांडणात पत्नी गर्भवती असल्याचे माहित असतानाही पतीने पत्नीच्या पोटात लाथा मारल्याने पत्नीचा गर्भपात झाल्याची घटना शिंदवणे (ता. हवेली) परिसरात घडली आहे. याप्रकरणी लोणी काळभोर पोलिसांनी पतीच्या विरुद्ध गुन्हा दाखल केला आहे.
सुनील विनायक धारक (रा. शिंदवणे, ता. हवेली) असे गुन्हा दाखल करण्यात आलेल्या पतीचे नाव आहे. याप्रकरणी पत्नी सलोनी सुनील धारक (वय – २३) यांनी लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार….!
आरोपी आणि फिर्यादी पती-पत्नी आहेत. घरगुती कारणावरून दोघांमध्ये वाद झाला. त्यानंतर सुनीलने पत्नी सलोनी या गर्भवती आहे हे माहीत असतानाही त्यांना लाथा बुक्क्यांनी मारहाण केली. मारहाणीत गर्भपात झाला. पत्नीने या प्रकरणी पोलिसांकडे तक्रार दिली.
दरम्यान, पत्नीला बेदम मारहाण करून गर्भपातास जबाबदार ठरल्याने पोलिसांनी आरोपी सुनीलच्या विरुद्ध गुन्हा दाखल केला आहे. अधिक तपास पोलीस उपनिरीक्षक किरण धायगुडे करत आहेत.
अधिक बातम्या वाचण्यासाठी येथे क्लिक करा….!
