pune crime पुणे : पुणे शहरासह परिसरात कोयता गॅंग अधून मधून डोके वर काढताना दिसत आहे. कोयता गॅंगची नागरिकांनी धास्ती घेतल्याचे चित्र सद्या पुण्यात पहायला मिळत आहे. (pune crime )दरम्यान असाच पुन्हा एकदा कोयता गॅंगचा प्रताप शहरातील नर्हे येथून समोर आला आहे. पाच ते सात जणांच्या टोळक्याने एकावर प्राणघातक हल्ला करत ठार मारण्याचा प्रयत्न केला. कोयत्याचे वार केल्यामुळे एकजण गंभीर जखमी झाला आहे. पूर्ववैमनस्यतून हा संपूर्ण प्रकार घडला आहे. बुधवारी रात्री अकरा वाजण्याच्या सुमारास हा प्रकार घडला. (Koyta gang’s terror in Pune does not stop; One was attacked in Sinhagad Road area)
या हल्ल्याप्रकरणी सिंहगड रोड पोलीस ठाण्यात पाच ते सात जणांविरोधात गुन्हा दाखल करण्यात आला आहे. सागर दिलीप लोखंडे (वय 32) या तरुणाने पोलीसात तक्रार दाखल केली आहे. (pune crime ) करण जांभळे, गणेश खांडेकर, मन्या सुर्वे, मयूर परब व अक्षय बारगजे अशी कोयता गॅंगमधील आरोपींची नावे आहेत.
सिंहगड रोड परिसरात एकावर कोयत्याचे वार
मिळालेल्या माहितीनुसार, तक्रारदार यांच्या एका मित्राच्या मांडवटाळा कार्यक्रमात आरोपी मोठ्या सुर्वे आणि फिर्यादीच्या मित्राचे भांडण झाले होते. (pune crime) त्यावेळी फिर्यादी यांनी मध्यस्थी करत हे भांडण मिटवले. त्याचा राग आरोपींच्या मनात होता. फिर्यादी हे काही मित्रांसह जेवण करण्यासाठी गेले होते त्यावेळी आरोपींनी हातात कोयते घेऊन दहशत निर्माण केली. थांब तुला मारून टाकतो असे मोठमोठ्याने ओरडून फिर्यादी यांच्यावर कोयताने हल्ला केला.(pune crime) यामध्ये फिर्यादींच्या डोक्यात आणि हाताच्या मनगटावर कोयत्याचे वार बसल्याने फिर्यादी गंभीर जखमी झाले आहेत. आरोपींनी फिर्यादी जेवण करीत असलेल्या ठिकाणी दगडफेक करत खुर्च्यांची तोडफोड केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune Crime : घर का भेदी लंका ढाए! सराफी व्यावसायिकाला कारागिरांनीच घातला तब्बल २२ लाखाला गंडा..
Pune Crime : बँक मॅनेजरनेच एका आयटी कर्मचार्‍याला घातला तब्बल २७ लाख रुपयांना गंडा…
