Pimpri crime : पिंपरी-चिंचवड : पुणे व पिंपरी-चिंचवड परिसरात कोयता गॅंग अधून मधून डोके वर काढताना दिसत आहे. कोयता गॅंगची नागरिकांनी धास्ती घेतल्याचे चित्र सद्या पुण्यासह अन्य् भागात पहायला मिळत आहे. (Pimpri crime) पुण्यातील नर्हे परिसरात कोयता गॅंगकडून एकास कोयत्याने वार केल्याची घटना ताजी असताना दुसरीकडे पिंपरी-चिंचवड शहरातून कोयता गॅंगची बातमी समोर आली आहे. मी कोयता भाई आहे, तुला माहिती नाही का? तू माझा फोन का उचलला नाही, आता तुला संपवतो असे म्हणेत पाच जणांच्या टोळक्याने एकास कोयत्याने मारहाण केली आहे.(After ‘Koyta Gang’, now ‘Koyta Bhai’!)
कोयता गॅंगची नागरिकांना धास्ती
हा प्रकार मंगळवारी रात्री साडे अकराच्या सुमारास संत तुकारामनगर येथे घडला आहे.(Pimpri crime) त्यामुळे पुण्यासह पिंपरी-चिंचवड परिसरात पुन्हा एकदा कोयता गॅंगने डोके वर काढले आहे. शिवाय आता कोयता गॅंगला कोयता भाईची जोड मिळाली आहे.
याप्रकरणी अजिंक्य अरुण टाकळकर (वय २१, रा.मोशी) याने पिंपरी पोलीस ठाण्यात तक्रार दाखल केली आहे.(Pimpri crime) त्यावरून आशिष रामबाबू पाल (रा.पिंपरीगाव), सागर ज्ञानदेव ढावरे (वय २०, रा. मिलिंदनगर, पिंपरी) दोघांना अटक करण्यात आली आहे. त्यांच्या तीन साथीदारांविरोधात गुन्हा दाखल करण्यात आला आहे.
मिळालेल्या माहितीनुसार, खराळवाडीतील यात्रा संपल्यानंतर अजिंक्य हा घरी जात होता. त्यावेळी आरोपी आशिष तिथे आला. बोलके कुछ होता नही असे म्हणत त्याने अजिंक्य याच्या डोक्यात कोयत्याने वार करण्याचा प्रयत्न केला, तो चुकविण्यासाठी हात वर केला असता हातावर वार लागला. (Pimpri crime) अजिंक्य घाबरून पळून जात असताना खाली पडला. त्यानंतर आरोपी आशिष आणि त्याच्या साथीदारांनी हाताने, लाथा बुक्यांनी मारहाण केली.
अजिंक्य याने काय झाले तुम्ही मला का मारत आहे असे विचारले असता आरोपी आशिष याने मी कोयता भाई आहे, तुला माहिती नाही का? मी तुला कॉल केले होते, तू माझा फोन का घेतला नाही, आता तुला संपवतो असे म्हणत हातातील कोयत्याने अजिंक्य याच्या पाठीवर, मानेवर वार केले. इतर आरोपींनीही कोयत्याने मांडीवर वार केले (Pimpri crime) त्यानंतर अजिंक्य आरोपींपासून वाचण्यासाठी घरात घुसला असता आरोपींनी कुंडी मारून दरवाजा तोडण्याचा प्रयत्न केला. आरोपी आशिष याने मोठ्याने ओरडून तू घरातून बाहेर निघ, तुला आज जीवंत सोडणार नाही असा आरडाओरडा करत कोयते दाखवून दहशत निर्माण केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri News | चिडलेल्या आईने बांबूने बेदम मारहाण केल्याने १३ वर्षीय मुलीचा मृत्यू…
