Karmala News : वंजारवाडीत वृद्धाचा निघृण खून; डोक्यात जबर मारहाण; संशयिताचा तपास सुरु

सागर घरत

Karmala News : करमाळा : वंजारवाडी (ता. करमाळा) येथे आज सकाळी एका वृद्धाला डोक्यात जबर मारहाण करून जखमी केले. या वृद्धाचा दवाखान्यात नेण्यापूर्वीच मृत्यू झाल्याची धक्कादायक घटना घडली आहे. या प्रकरणी संशयिताला शोधण्याचे काम सुरू आहे.

संशयिताचा शोध सुरू

याबाबत मिळालेल्या अधिक माहितीनुसार, विठ्ठल वामन दराडे (वय ६०) असे मृत व्यक्तीचे नाव आहे. जारवाडी येथील शेतात काम करण्याच्या निमित्ताने दोघेजणे शेतात गेले होते. सोबत असलेल्या व्यक्तीनेच डोक्यात मारहाण करून दराडे यांना जखमी केल्याचा संशय आहे. (Karmala News) मारहाणीच्या घटनेनंतर विठ्ठल दराडे यांना तत्काळ उपजिल्हा रुग्णालयात नेण्यात आले. मात्र, डॉक्टरांनी त्यांना मृत घोषित केले.

दरम्यान, घटनेची माहिती मिळताच घटनास्थळी उपविभागीय पोलीस अधिकारी अजित पाटील, करमाळा पोलीस ठाण्याचे पोलीस निरीक्षक ज्योतीराम गुंजवटे यांनी भेट दिली व पुढील सूचना दिल्या आहेत. सदरची घटना नेमकी कोणत्या कारणातून झाली व कोणी केली याबाबत तपास सुरू आहे. (Karmala News) सोबत असलेल्या व्यक्तीनेच मारहाण केल्याची शक्यता विचारात घेऊन त्या दिशेने पोलिसांनी तपास सुरू केला आहे.

अधिक बातम्या वाचण्यासाठी येथे क्लिक करा :

Pune News : वडील-मुलीच्या नात्याला काळिमा; सख्ख्या बापाकडून मुलीचा विनयभंग; नराधमावर गुन्हा दाखल

Pune News : पीएमपीमधील गर्दीचा गैरफायदा घेऊन युवतीचा विनयभंग; एकाला अटक

Pune News : तुझ्यासह दुकान फोडीन… धमकी देत तीन गुंडांचा शेवाळवाडीत हैदोस; गुन्हा दाखल