Junnar जुन्नर, (पुणे) : शेतात लघुशंकेसाठी गेलेल्या शेतमजुराच्या १२ वर्षीय मुलावर बिबट्याने केलेल्या हल्ल्यात मुलाचा जागेवरच मृत्यू झाल्याची घटना ओतूर (ता. जुन्नर) परिसरात घडली आहे. या घटनेने जुन्नर परिसरात एकच खळबळ उडाली आहे. रविवारी (ता. १६) संध्याकाळी हि घटना घडली आहे.
संजीव बाशिराम झमरे ( वय- १२, मूळ रा. मध्यप्रदेश, सध्या रा. ओतूर, ता. जुन्नर) असे मृत्युमुखी पडलेल्या मुलाचे नाव आहे.
मिळालेल्या माहितीनुसार…!
मूळचे मध्य प्रदेश येथील असणारे बाशीराम जालू झमरे यांचे कुटुंब हे उदरनिर्वाह करण्यासाठी मध्य प्रदेशातून कांदे काढणीच्या कामासाठी ओतूर या ठिकाणी आले होते. तसेच त्यांच्यासोबत इतरही काही कुटुंबे आली आहेत. ओतूर परिसरातील जाकमाथा येथील एका शेतामध्ये कांदा काढणीचे काम सुरू होते. दिवसभर कांदे काढून संध्याकाळी आपल्या कुटुंबासमवेत झमरे शेतातच राहात होते. त्यामुळे त्यांचा १२ वर्षांचा मुलगा लघुशंकेसाठी जवळ असणाऱ्या शेतात गेला. मात्र तिथे दबा धरून बसलेल्या.बिबट्याने त्याच्यावर हल्ला चढवला.
बिबट्याच्या हल्ल्यात चिमुकल्याचा जागीच मृत्यू झाला. घटनेची माहिती मिळताच कुटुंबियांनी आरडाओरडा सुरू झाला. त्यानंतर घटनेची माहिती वनविभागाच्या अधिकाऱ्यांना देण्यात आली. त्यांनी घटनास्थळी धाव घेत सदर मुलाचा मृतदेह ताब्यात घेतला आणि जुन्नर येथील रुग्णालयात शवविच्छेदनासाठी पाठवण्यात आला आहे.
दरम्यान, पांडुरंग ताजने यांच्या शेतात हा हल्ला झाल्याची माहिती समोर येत असून मुलगा गेल्याने गरीब कुटुंबावर दु:खाचा डोंगर पसरला आहे. जुन्नर तालुक्यात बिबट्याचे हल्ले दिवसागणिक वाढत आहेत. त्यामुळे नागरिकांना जीव मुठीत धरून घराच्या बाहेर पडावे लागत आहे. आतापर्यंत अनेक जणांना आपला जीव या हल्ल्यांमध्ये गमवावा लागला आहे.
अधिक बातम्या वाचण्यासाठी येथे क्लिक करा….!
Junnar News | पुणे : तरुणावर बिबट्याने अचानक केला हल्ला आणि मग
Pimpri Chinchwad News | पिंपरी-चिंचवड महानगरपालिकेतील लाच घेणारा तो लिपिक सेवेतून निलंबित!
