Indapur Crime News : वालचंदनगर, (पुणे) : आंतरजातीय विवाह केल्याच्या कारणावरून नातेवाईकांनीच सूडापोटी एका कुटुंबावर हल्ला केल्याची धक्कादायक घटना इंदापूर तालुक्यातील कळंब लक्ष्मीनगर येथे घडली आहे. आरोपींनी घरात अनाधिकाराने प्रवेश करून फिर्यादी महिला, तिची सासू, आई आणि बहिणीला लाकडी दांडक्याने व लाथाबुक्क्यांनी मारहाण केली. या प्रकरणी वालचंदनगर पोलिसांनी सात जणांविरुद्ध गंभीर स्वरूपाचे गुन्हे दाखल केले आहेत. हि घटना शनिवारी (ता. 02) दुपारी अडीच वाजण्याच्या सुमारास हि घटना घडली आहे. Indapur Crime News
याप्रकरणी आरती चैतन्यमाळ शिकारे (वय 23) यांनी वालचंदनगर पोलीस ठाण्यात फिर्याद दिली आहे. त्यानुसार पोलिसांनी शशिकांत बापूराव निकाळजे, निलांबरी शशिकांत निकाळजे, निशिता शशिकांत निकाळजे, दिपाली प्रशांत शिंदे, कमल महादेव शिंदे, सुवर्णा आनंद निकाळजे आणि अश्विनी जयदेव सोरटे यांच्यावर गुन्हा दाखल केला आहे. Indapur Crime News
पोलिसांनी दिलेल्या माहितीनुसार, फिर्यादी आरती शिकारे यांनी प्रेमविवाह केला आहे. मात्र, हा आंतरजातीय विवाह नातेवाईक असलेल्या निकाळजे आणि शिंदे कुटुंबाला मान्य नव्हता. याच रागातून शनिवारी (ता. 02) दुपारी अडीच वाजण्याच्या सुमारास आरोपींनी आरती यांच्या घरात शिरून धुमाकूळ घातला. Indapur Crime News
आरोपी शशिकांत आणि निलांबरी निकाळजे यांनी आरती यांना शिवीगाळ करत “तुला जिवंत ठेवणार नाही” अशी धमकी दिली. त्यानंतर आरती यांच्या सासूला लाकडी दांडक्याने मारहाण करून घराबाहेर ओढले. आरडाओरडा ऐकून आरती यांची आई आणि बहीण सोडवण्यासाठी आल्या असता, सर्व सातही आरोपींनी मिळून महिलांना लाथाबुक्क्यांनी बेदम मारले. झटापटीत सासू सुरेखा यांच्या गळ्यातील मणीमंगळसूत्र तुटले असता, मुख्य आरोपी शशिकांत निकाळजे याने ते हिसकावून स्वतःच्या खिशात ठेवले आणि परत देण्यास नकार दिला. Indapur Crime News
दरम्यान, तसेच आरोपींनी आरती आणि त्यांच्या पतीला जिवंत सोडणार नाही, अशी धमकी देऊन परिसरात दहशत निर्माण केली. या घटनेमुळे पीडित कुटुंब प्रचंड दहशतीखाली आहे. याप्रकरणी आरती शिकारे यांच्या फिर्यादीवरून वालचंदनगर पोलिसांनी वरील आरोपींवर भारतीय न्याय संहिता (BNS) कलम १८९(२), १९१(२), १९१(३), १९०, ११८(१), ११९(१), ३३३, ७४, ३५२, ३५१(१) आणि ३५१(२) अन्वये गुन्हा नोंदवला आहे. तपास पोलीस हवालदार मोरे करीत आहे. Indapur Crime News
