Monsoon News : पुणे : राज्यातील नागरिकांसाठी दिलासादायक बातमी आहे. नैऋत्य मोसमी वाऱ्यांनी वेग घेत तळकोकण आणि गोव्यात प्रवेश केला असून, पुढील दोन ते तीन दिवसांत ते पुण्यासह महाराष्ट्राच्या आणखी भागात दाखल होण्याची शक्यता भारतीय हवामानशास्त्र विभागाने व्यक्त केली आहे. Monsoon News
यंदा मोसमी वारे अंदमान-निकोबार बेटांमध्ये नेहमीपेक्षा पाच ते सहा दिवस आधी दाखल झाले होते. त्यामुळे केरळमध्येही त्यांचे आगमन लवकर होईल, अशी अपेक्षा होती. मात्र, वातावरणातील प्रतिकूल परिस्थितीमुळे त्यांच्या प्रगतीला काही काळ खीळ बसली. अखेर गुरुवारी (४ जून) मोसमी वारे केरळमध्ये दाखल झाल्याची अधिकृत घोषणा करण्यात आली आणि त्यानंतर अवघ्या दोन दिवसांत त्यांनी गोवा व तळकोकण गाठला. Monsoon News
भारतीय हवामानशास्त्र विभागाच्या पुणे वेधशाळेचे शास्त्रज्ञ एस. डी. सानप यांच्या माहितीनुसार, मोसमी वाऱ्यांनी अरबी समुद्रातील आणखी काही भाग, संपूर्ण गोवा, दक्षिण कोकण, कर्नाटक, आंध्र प्रदेश, तामिळनाडूचा बहुतांश भाग तसेच ईशान्य भारतातील काही राज्ये व्यापली आहेत. Monsoon News
दरम्यान, दक्षिण कोकण-गोवा आणि दक्षिण मध्य महाराष्ट्रात मेघगर्जना, विजांचा कडकडाट, मुसळधार पाऊस आणि ताशी ४० ते ५० किलोमीटर वेगाने वारे वाहण्याचा अंदाज वर्तविण्यात आला आहे. Monsoon News
यंदाच्या तीव्र उन्हाळ्यामुळे हैराण झालेल्या नागरिकांचे लक्ष आता मान्सूनकडे लागले आहे. मात्र, एल निनोच्या प्रभावामुळे यंदा देशात सरासरीपेक्षा कमी पाऊस पडण्याची शक्यता हवामान तज्ज्ञांनी व्यक्त केली आहे. तरीही मोसमी वाऱ्यांची सुरू झालेली वेगवान आगेकूच पुणेकरांसाठी दिलासादायक ठरत आहे. Monsoon News
