Ethanol Tanker Fire : पाथर्डी, (नगर) : इथेनॉल वाहतूक करणारा टँकर पलटी होऊन लागलेल्या आगीत एका प्रवासी महिलेसह दोघांचा होरपळून मृत्यू झाला आहे तर चौघे गंभीर जखमी झाल्याची घटना घडली आहे. पाथर्डी तालुक्यातील माणिकदौंडी रोडवरील केळवंडी शिवारात गुरुवारी दुपारी हा अघात झाला आहे.(Ethanol Tanker Fire)
इथेनॉल वाहतूक करणारा टँकर पलटी.
टँकरचा सहचालक गणेश रामराव पालवे (वय ४२ रा. पालेवाडी) व सुरैया बशीर शेख (वय ४६ रा. माळी बाभूळगाव, ता. पाथर्डी) या अपघातात दोघांचा मृत्य झाला. तर लहू सांडू पवार (वय ५३), सुमन लहू पवार (वय ४९), जगदीश जगन पवार (वय ३) कोमल जगन पवार (वय ७ रा. विसरवाडी ता. पैठण) हे जखमी झाले आहेत.(Ethanol Tanker Fire)
मिळलेल्या माहितीनुसार, इथेनॉल घेऊन जाणारा हा टँकर माणिकदौंडी घाटाच्या पायथ्याला वळणावर उलटूला. त्यानंतर त्याला आग लागली. हे दृष्य पाहून परिसरातील नागरिकांनी तेथे धाव घेतली. अग्निशामक दलालाही बोलावण्यात आली. टँकरमधील पाच जणांना बाहेर काढण्यास स्थानिकांना यश आले.(Ethanol Tanker Fire) मात्र, सहचालक गणेश पालवे व सुरैया बशीर शेख हे दोघे टँकरमध्ये अडकल्याने त्यांचा आगीत होरपळून मृत्यू झाला. गणेश पालवे टँकरच्या डाव्या बाजूला बसलेला होता. त्याच बाजूने टँकर पलटल्याने तो टँकर खाली सापडला. त्याचा चेहरा वगळता शरीर आगीमध्ये जळाले. तर महिला संपूर्ण भाजून मृत्यूमुखी पडली.(Ethanol Tanker Fire)
दरम्यान, जखमींना पाथर्डीमधील उपजिल्हा रुग्णालयात उपचारासाठी दाखल करण्यात आले. घटनेची माहिती मिळताच सहाय्यक पोलीस निरीक्षक रामेश्वर कायंदे, पोलीस हवालदार नितीन दराडे, राम सोनवणे,अल्ताफ शेख, सुहास गायकवाड, किशोर लाड, प्रल्हाद पालवे यांनी घटनास्थळी धाव घेतली. पाथर्डी नगरपरिषदेच्या अग्निशमन दलाने टँकरची आटोक्यात आणून आग विझवली. त्यानंतर पोलिसांनी आगीमध्ये मृत झालेल्या व्यक्तींची ओळख पटवून नावे निष्पन्न केली.(Ethanol Tanker Fire)
