Dive Ghat Accident | लोणी काळभोर, (पुणे) : हडपसर – सासवड महामार्गावरील दिवे घाटात टँकरचालकाचा टँकरवरील ताबा सुटून झालेल्या अपघातात दोघांचा जागीच मृत्यू झाला आहे. तर दोघेजण गंभीर जखमी झाले आहेत. हा अपघात सोमवारी (ता. ०८) साडेआठ वाजण्याच्या सुमारास झाला.
धनंजय पवार (वय ३८, रा. भिवडी ता. पुरंदर), पांडुरंग शिंदे (वय ५६, रा. सोमेश्वरनगर, बारामती) अशी मृतांची नावे आहेत.
मिळालेल्या माहितीनुसार, टँकर हा सासवड मार्गावरून पुण्याकडे निघाला असताना त्याने दिवे घाटात दुचाकींना पाठीमागून जोरदार धडक दिली. हडपसरकडे येताना शेवटच्या वळणावर उतारावर चालकाचे नियंत्रण सुटल्याने समोरून येणाऱ्या वाहनांना उडवत टँकर दरीत कोसळला.
यामध्ये एका दुचाकी चालकाचा जागेवरच मृत्यू झाला तर टँकरवरचे नियंत्रण सुटल्याने कंटेनर दोनशे ते तीनशे फूट दरीत कोसळला. या अपघातात दुचाकीवरील एकाचा व चालक अशा दोघांचा जागेवरच मृत्यू झाला. तर दोघेजण तर दोघे गंभीर जखमी झाले.
दरम्यान, घटनास्थळी लोणी काळभोर पोलिस, अग्निशामक दलाचे जवान दाखल झाले होते. टँकरमध्ये कच्चे रसायन भरलेला असल्यामुळे ॲसिडची गळती सुरू होती. रेस्क्यू टीम आणि अग्निशमन दलाचे जवान आणि पोलिसही दाखल झाले आहेत. दिवे घाटात वाहतूक कोंडी झाली आहे.
यावेळी दिवे घाटात वाहतूक कोंडी मोठ्या प्रमाणात झाली होती. तसेच जाणाऱ्या व येणाऱ्या नागरिकांनी पाहण्यासाठी गर्दी केली होती.
अधिक बातम्या वाचण्यासाठी येथे क्लिक करा….!
Accident | जुन्या मुंबई-पुणे महामार्गावर कंटेनर पलटी; प्रचंड वाहतूक कोंडी पहा व्हिडीओ
