पुणे- पुणे- सोलापूर महामार्गावर भिगवन जवळ वरकुटे बुद्रुक हद्दीत शुक्रवारी (ता. २६) पहाटे चारचाकी गाडीवर गोळीबार करुन, चाराकी गाडीतील तब्बल साडेतीन कोटी रुपयांची रोख रक्कम लुटणाऱ्या टोळीचा पर्दाफाश करण्यात पुणे (ग्रामिन) पोलिसांच्या स्थानिक गुन्हे अन्वेशन विभाग व इंदापुर पोलिसांना यश आले असुन, या प्रकरणातील सहा आरोपीसह लुटीतील रक्कम पोलिसांनी 72 तासाच्या आत ताब्यात घेतली आहे.
पुणे- सोलापूर महामार्गावर भिगवन जवळ वरकुटे बुद्रुक हद्दीत चारचाकी गाडीवर गोळीबार करुन, साडेतीन कोटी रुपयांची लुट करणाऱ्या टोळीचा प्रमुख सागर शिवाजी होनमाने (रा. कुर्डुवाडी ता. माढा जि.सोलापूर) हा असुन, पलिसांनी सागर शिवाजी होनमाने याच्यासह बालु उर्फ ज्योतीराम चंद्रकांत कदम (रा. कुर्डुवाडी, ता. माढा, जि. सोलापूर), रजत अबू मुलाणी (वय-२४ रा. न्हावी, ता. इंदापूर जि. पुणे) गौतम अजित भोसले, (वय- ३३, रा. वेने, ता. माढा, जि. सोलापुर), किरण सुभाष घाडगे (वय- २६),व भूषण लक्ष्मीकांत तोंडे (वय – २५, रा. दोघेही लोणीदेवकर, ता. इंदापुर, जि. पुणे) या सहा जणांना पोलिसांनी अटक केली आहे.
दरम्यान वरील टोळीने भावेशकुमार अमृत पटेल (रा.कहोडा, ता. उंझा, जि.मेहसाना, गुजरात) यांच्या चारचाकी गाडीवर गोळीबार करुन, त्याच्याकडील तीन कोटी साठ लाख रुपयांची रोकड लुटली होती. या प्रकरणातील मुख्य आरोपी सागर शिवाजी होनमाने याच्यासह बालु उर्फ ज्योतीराम कदम, रजत मुलाणी या तिघांना इंदापुर परीसरातुन तर गौतम भोसले, किरण घाडगे व भूषण तोंडे या तिघांना राजस्थानमधील उदयपुर परीसरातुन ताब्यात घेतले असल्याची माहिती पोलिस अधिक्षक डॉ. अभिनव देशमुख यांनी दिली.
पोलिस अधिक्षक डॉ. अभिनव देशमुख यांनी दिलेल्या माहितीनुसार, भावेशकुमार पटेल हे त्यांच्या चारचाकी गाडीतून शुक्रवारी मध्यरात्रीच्या सुमारास पुणे-सोलापूर महामार्गावरून पुण्याकडे निघाले होते. पहाटे अडीच वाजण्याच्या सुमारास वरकुटे बुद्रुक ग्रामपंचायत हद्दीत असलेल्या महामार्गावरील गतिरोधक आल्याने भावेशकुमार यांनी गाडी स्लो केली. त्याचवेळी अज्ञात चार अनोळखी चोरटे यांनी पायी चालत येवुन हातात लोखंडी टॉमी दाखवून गाडी अडविण्याचा प्रयत्न केला.
मात्र, भावेशकुमार यांनी गाडी तेथुन भरधाव वेगात सोलापुर रोडने पुणे बाजुकडे घेवुन जात असताना त्यांनी मारूती सुझुकी कंपनीची फोर व्हिलर स्विप्ट गाडी व टाटा कंपनीची गाडी ही मधुन फिर्यादीच्या गाडीचा पाठलाग करून गाडी थांबवित नाही. म्हणुन त्यांनी गाडीवर फायरिंग केली. गाडी रस्तामध्ये अडवुन गाडी मधुन चार चोरटे उतरून त्यांच्या साथीदाराला मारहाण केली. चोरटयांनी गाडी मधील रोख रक्कम ३ कोटी ६० लाख रुपये १४ हजाराचे दोन व १२ हजाराचा एक मोबाईल असे एकुण ३ कोटी ६० लाख २६ हजार रुपये किंमतीचा ऐवज पळवुन नेला होता.
दरम्यान घडलेला गुन्हा गंभीर असल्याने इंापुर पोलिसांच्या बरोबरच, स्थानिक गुन्हे अन्वेशन शाखाही या गुन्हाची उकल करण्यासाठी मैदानात उतरली होती. स्थानिक गुन्हे शाखेकडून तीन तपास पथकाच्या माध्यमातुन तपास सुरु केला होता. इंदापूर पोलीस स्टेशनचे पोलीस निरीक्षक प्रभाकर मोरे यांनीही तीन स्वतंत्र तपास पथके तयार केली होती.
पोलिसांनी या गुन्हाचा तपास करतांना तांत्रिक विश्लेषणाचे व गुप्त बातमीचे आभारावर सदरचा गुन्हा सागर शिवाजी होनमाने व त्याच्या सहकाऱ्यांनी केल्याची खात्री पटताच, पोलिसांनी सागर होनमाने, बालु उर्फ ज्योतीराम कदम व रजत मुलाणी या तिघांमना ताब्यात घेऊन विचारपुस करताच, त्यांनी वरील गुन्हयाची कबुली दिली.
सदरची कामगिरी स्थानिक गुन्हे शाखेचे वरीष्ठ पोलीस निरीक्षक अशोक शेळके, पोलीस उपनिरीक्षक अमित सिदपाटील, गणेश जगदाळे, सहायक पोलीस उपनिरीक्षक रविराज कोकरे, तुषार पंदारे, बाळासाहेब करांडे, पोलीस हवालदार सचिन घाडगे, हेश गायकवाड, अजय मुळे, जनार्दन शेळके, राजु मोमीन, विजय कांचन, असिफ शेख, अभिजीत एकशिंगे, स्वप्नील आहीवळे, अक्षय नवले, प्रमोद नवले, इंदापूर पोलीस ठाण्याचे प्रभारी पोलीस निरीक्षक प्रभाकर मोरे,सहायक पोलीस निरीक्षक प्रकाश पवार, महेश माने, पोलीस उपनिरीक्षक सुधीर पांडुळे, पोलीस नाईक सलमान खान, विशाल चौधर, पोलीस हवालदार, सुरेद्र वाघ, कल्यान खांडेकर, मनोज गायकवाड, सचिन बोराडे, मोहमंद आली मड्डी, बापू मोहीते, लक्ष्मण सुर्यवंशी, दिनेश चोरमले, विनोद काळे, सुरज गुंजाळ यांनी केली आहे.