Daund News : दौंड, (पुणे) : लहान मुलांच्या भांडणावरून दोन कुटुंबांमध्ये जोरदार राडा झाला असून दौंड पोलीस ठाण्यात परस्परविरोधी गुन्हे दाखल करण्यात आले आहेत. एका बाजूने ‘ॲट्रॉसिटी’ अंतर्गत गुन्हा नोंदवण्यात आला आहे, तर दुसऱ्या बाजूने विनयभंग आणि घरात घुसून मारहाण केल्याची तक्रार देण्यात आली आहे. Daund News
पहिल्या घटनेत फिर्यादी प्रियंका नितीन त्रिभुवन (वय 30, रा. खाटीक गल्ली) यांनी दिलेल्या तक्रारीनुसार, 24 एप्रिल रोजी रात्री आठ वाजण्याच्या सुमारास त्यांच्या घरासमोर राहणाऱ्या महिलेने आणि तिच्या दोन मुलींनी त्यांना अडवले. यावेळी आरोपींनी प्रियंका यांना जातीवाचक शिवीगाळ करून अपमानित केले. Daund News
तसेच, आरोपी व यांच्या दोन्ही मुलींनी प्रियंका यांना हाताने मारहाण केली, तर एका मुलीने पाण्याच्या प्लास्टिक पाईपने त्यांच्या पाठीवर वार केले. पोलिसांनी याप्रकरणी तिन्ही महिलांविरुद्ध भारतीय न्याय संहिता (BNS) आणि अॅट्रॉसिटी कायद्यानुसार गुन्हा दाखल केला आहे. Daund News
याच घटनेच्या अर्ध्या तासानंतर, फिर्यादी महिलेने प्रियंका त्रिभुवन आणि त्यांचे पती नितीन त्रिभुवन यांच्याविरुद्ध फिर्याद दिली. लहान मुलांच्या भांडणावरून प्रियंका यांनी त्यांना मारहाण केली. त्यानंतर फिर्यादी या एकट्या घरी असताना नितीन त्रिभुवन याने घरात घुसून विनयभंग केला. Daund News
तसेच, लाथाबुक्क्यांनी मारहाण करून मुलीच्या हातातील मोबाईल हिसकावून घेत तो जमिनीवर आपटून नुकसान केले. पोलिसांनी याप्रकरणी त्रिभुवन पती-पत्नीविरुद्ध विनयभंग, मारहाण आणि घराचे नुकसान केल्याप्रकरणी गुन्हा दाखल केला आहे. तपास पोलीस हवालदार शेख करीत आहेत. Daund News
