Daund Fraud News : दौंड, (पुणे) : मजूर पुरवण्याच्या बहाण्याने वाटलुज (ता. दौंड) येथील एका शेतकऱ्याची तब्बल 7 लाख 45 हजार रुपयांची आर्थिक फसवणूक करण्यात आल्याची घटना उघडकीस आली आहे. ‘मजूर देतो’ असे सांगून मुकादमाने वेळोवेळी पैसे उकळले, मात्र गळीत हंगाम सुरू होऊनही मजूर न पाठवता हात झटकल्याने अखेर दौंड पोलीस ठाण्यात फसवणुकीचा गुन्हा दाखल करण्यात आला आहे. Daund Fraud News
याप्रकरणी अजिनाथ नामदेव लंबाते (वय-54, रा. वाटलुज, ता. दौंड) असे फसवणूक झालेल्या शेतकऱ्याचे नाव आहे. तर प्रकाश हजारी राठोड (रा. मोरदंड तांडा, जि. धुळे) असे फसवणूक करणाऱ्या मुकादमाचे नाव आहे. लंबाते यांनी दिलेल्या तक्रारीनुसार राठोड याच्यावर दौंड पोलीस ठाण्यात गुन्हा दाखल करण्यात आला आहे. Daund Fraud News
पोलिसांनी दिलेल्या माहितीनुसार, फिर्यादी अजिनाथ लंबाते हे शेतीसोबतच ट्रॅक्टरद्वारे ऊस वाहतुकीचा व्यवसाय करतात. त्यांनी पाटस येथील ‘भीमा शुगर्स’ कारखान्याशी सन २०२५-२६ च्या हंगामासाठी ऊस वाहतुकीचा करार केला होता. या हंगामासाठी त्यांना मजुरांची आवश्यकता असल्याने त्यांनी धुळे जिल्ह्यातील प्रकाश राठोड या मुकादमाशी संपर्क साधला होता. Daund Fraud News
दोघांमध्ये 7 कोयते (१४ मजूर) पुरवण्याचा करार झाला होता. यासाठी मुकादम राठोड याने ‘मजुरांना आगाऊ पैसे द्यायचे आहेत’ असे सांगून लंबाते यांचा विश्वास संपादन केला. १३ ऑगस्ट २०२५ रोजी फिर्यादीने आपल्या मुलाच्या खात्यावरून मुकादमाच्या खात्यावर सुरुवातीला २ लाख 75 हजार रुपये पाठवले. त्यानंतर फोन-पे आणि बँकेद्वारे वेळोवेळी २० हजार, ५० हजार आणि १ लाख अशी रक्कम पाठवण्यात आली. Daund Fraud News
तसेच ८ सप्टेंबर २०२५ रोजी करार करताना तीन लाख रुपये रोख स्वरूपात देण्यात आले. अशा प्रकारे लंबाते यांनी एकूण 7 लाख 45 रुपये मुकादमाला दिले होते. साखर कारखाना सुरू झाल्यानंतर लंबाते यांनी मुकादम राठोड याला मजुरांबाबत विचारणा केली असता, त्याने “आज पाठवतो, उद्या पाठवतो” अशी उत्तरे देऊन वेळ मारून नेली. काही दिवसांनी त्याने लंबाते यांचे फोन उचलणेही बंद केले. आपली फसवणूक झाल्याचे लक्षात येताच अजिनाथ लंबाते यांनी दौंड पोलीस ठाण्यात धाव घेऊन तक्रार दिली. Daund Fraud News
दरम्यान, दौंड पोलिसांनी याप्रकरणी आरोपी मुकादम हजारी राठोड याच्याविरुद्ध भारतीय न्याय संहिता (BNS) कलम ३१८(४) अन्वये फसवणुकीचा गुन्हा दाखल केला आहे. पोलीस हवालदारम्हेत्रे या प्रकरणाचा पुढील तपास करत आहेत. Daund Fraud News
