पुणे : पुण्यातील नामाकिंत बांधकाम व्यावसायिक डी. एस. कुलकर्णी यांना सदनिकांच्या मालकी हक्कासंदर्भात महाराष्ट्र ओनरशिप ऑफ फ्लॅट्स अ‍ॅक्ट (MOFA, मोफा) अंतर्गत दाखल करण्यात आलेल्या गुन्ह्यात पुणे न्यायालयाने गुरुवारी (ता. 21) जामीन मंजूर केला आहे. हा जामीन मंजूर करण्यात आला आहे. MOFA प्रकरणात जामीन मंजूर करण्यात आला असला तरी, कुलकर्णी कुटुंबावर आनखी कांही गुन्हे दाखल असल्याने, त्यांचा मुक्काम आनखी कांही दिवस तरी, तुरुंगातच राहणार आहे.
वकील अशुतोष श्रीवास्तव आणि वकील रितेश येवलेकर यांनी न्यायालयात कुलकर्णी यांची बाजू मांडली. सिंहगड पोलीस स्थानकामध्ये या प्रकरणी ऑगस्ट २०१६ रोजी तक्रार दाखल करण्यात आली होती. या तक्रारीनुसार कुलकर्णी आणि त्यांच्या पत्नीने सदनिका खरेदी करणाऱ्या ग्राहकांकडून आगाऊ रक्कम घेतली. त्यानंतर जाणीवपूर्वकपणे डीएसके आणि त्यांच्या पत्नीने या ग्राहकांना घरांचा मालकी हक्क हस्तांतरित केला नाही. या प्रकरणी कुलकर्णी दांपत्याला ५ मार्च २०१९ रोजी अटक करण्यात आली होती.
पुणे न्यायालयात न्यायमुर्ती एस. के. दुगावकर यांनी मोफा कायद्याअंतर्गत कुलकर्णी यांना जामीन मंजूर केलाय. “या प्रकरणातील गुन्ह्यांसाठी कुलकर्णी आणि त्यांच्या पत्नीने अर्धी शिक्षा भोगली आहे. त्यांच्यावर दाखल करण्यात आलेल्या गुन्ह्यांनंतर त्यांना अचानक अटक करण्यात आली,” असं कुलकर्णींच्या वकिलांनी म्हटलं आहे. मुख्य प्रकरणामधील एफआयआरसंदर्भातील अर्ज हा सर्वोच्च न्यायालयासमोर दाखल करण्यात आला असून त्यावर २६ जुलै २०२२ रोजी सुनावणी होण्याची शक्यता श्रीवास्तव यांनी व्यक्त केलीय.
डि. एस. कुलकर्णी कुटुंबाकडुन सुमारे २ हजार ४३ कोटी रुपयांची फसवणूक केल्याचा संशय….!
पुणे पोलिसांनी न्यायालयात दाखल केलेल्या दोषारोपपत्रातील माहितीनुसार कुलकर्णी कुटुंबाकडुन पुणे व परीसरातील ठेवीदारांची २ हजार ४३ कोटी रुपयांची फसवणूक केल्याचे नमुद केलेले आहे. यात कुलकर्णी यांच्यासह त्यांची पत्नी हेमंती, मुलगा शिरीष, बंधू मकरंद, पुतणी, जावई यांना यापुर्वीच अटक करण्यात आलेली आहे. . १७ फेब्रुवारी २०१८ पासून दीपक कुलकर्णी आणि त्यांची पत्नी हेमंती पोलिसांच्या ताब्यात आहेत. २०१७ मध्ये ठेवीदाराने केलेल्या तक्रारीनंतर डीएस कुलकर्णी, त्यांची पत्नी हेमंती आणि इतरांविरोधात एफआयआर दाखल करण्यात आला होता. आरोपींना पुण्यातील येरवडा कारागृहात ठेवण्यात आलं आहे.
