Big Breaking News लोणी काळभोर : कदमवाकवस्ती (ता.हवेली) ग्रामपंचायत हद्दीतील घोरपडे वस्तीत १५ वर्षीय मुलगा अमर दत्तू भजंतरी याने गळफास घेऊन आत्महत्या केल्याची घटना ताजी असतानाच, आता नर्सरीत काम करणाऱ्या एका १७ वर्षाच्या परप्रांतीय मुलीने गळफास घेऊन आत्महत्या केल्याची धक्कादायक घटना तरडे (ता. हवेली) येथे शुक्रवारी (ता.४) सायंकाळी पाच वाजण्याच्या सुमारास उघडकीस आली आहे. (Big Breaking News)
आनंदी कुमारी चौधरी (वय १७, सध्या, रा. तरडे, ता. हवेली) असे आत्महत्या केलेल्या मुलीचे नाव आहे.
मिळालेल्या माहितीनुसार, आनंदीचे आई वडील हे तरडे परिसरातील एका नर्सरीत काम करतात. तर आनंदीही आईवडिलांबरोबर नर्सरीत काम करीत होते. मात्र आनंदी सायंकाळी पाच वाजण्याच्या सुमारास गळफास घेतलेल्या अवस्थेत आढळून आला. स्थानिक नागरिकांच्या मदतीने आनंदी खाली काढण्यात आले. व तातडीने लोणी काळभोर येथील एका बड्या रुग्णालयात उपचारासाठी दाखल करण्यात आले. मात्र, उपचारापूर्वीचआनंदीचा मृत्यू झाल्याचे तेथील डॉक्टरांनी घोषित केले. (Big Breaking News)
दरम्यान, या घटनेची माहिती मिळताच, लोणी काळभोर पोलीस ठाण्याचे पोलीस उपनिरीक्षक विष्णू देशमुख व त्यांचे सहकारी तातडीने घटनास्थळी दाखल झाले. पोलिसांनी पंचनामा करून आनंदीचा मृतदेह ससून रुग्णालयात शवविच्छेदणासाठी पाठविला आहे. मात्र आनंदीने एवढे मोठे टोकाचे पाऊल का उचलले. त्या दृष्टीकोनातून पोलीस पुढील तपास करत आहे. (Big Breaking News)
आत्महत्येच्या घटनेने पुणे जिल्हा हादरला
दोन अल्पवयीन मुलांच्या आत्महत्येच्या घटनेने पुणे जिल्हा हादरला आहे. यामध्ये कदमवाकवस्ती येथील अमर दत्तू भजंतरी (वय १५, रा. अंबिका माता मंदिराजवळ, लेन नं. ८, घोरपडेवस्ती, कदमवाकवस्ती, ता. हवेली) याने गळफास लावून आत्महत्या केली तर तरडे येथील एका 17 वर्षांच्या आनंदी कुमारी चौधरी (वय १७, सध्या, रा. तरडे, ता. हवेली) या मुलीने आत्महत्या करून जीवन संपवले. या दोन्ही घटना तासाभराच्या अंतराने घडल्याने एकच खळबळ उडाली आहे. (Big Breaking News)
दोघांचेही मृतदेह शवविच्छेदनासाठी ससूनमध्ये
कदमवाकवस्ती येथील अमर आणि तरडे येथील आनंदी या दोघांनी एकाच दिवशी काही तासांच्या अंतरावर आत्महत्या केल्याचे समोर आले आहे. या घटनेने पुणे जिल्ह्यात प्रचंड खळबळ उडाली आहे. दरम्यान, या दोघांचे मृतदेह शवविच्छेदनासाठी सूसन रुग्णालयात पाठवण्यात आले आहे. (Big Breaking News)
