Bhigvan News : भिगवण, (पुणे) : एसटी बसने प्रवास करणाऱ्या महिला प्रवाशांचे सुमारे सव्वा लाख रुपयांचे सोन्याचे दागिने चोरीला गेल्याची घटना घडली आहे. रविवारी (ता. 26) दुपारी 3 ते 4 वाजण्याच्या सुमारास भिगवण एस.टी. स्टॅण्ड येथे हि घटना घडली.याप्रकरणी भिगवण पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. याप्रकरणी सुनिता मोहन चव्हाण (वय-३७, रा. दहिसर पूर्व, मुंबई) यांनी भिगवण पोलीस ठाण्यात फिर्याद दिली आहे. Bhigvan News
पोलिसांनी दिलेल्या माहितीनुसार, फिर्यादी सुनिता चव्हाण या त्यांच्या मुलीसह भिगवण येथे जाण्यासाठी पुणे-अक्कलकोट या एसटी बसने प्रवास करत होत्या. 26 एप्रिल रोजी दुपारी 3 ते 4 वाजण्याच्या सुमारास कुरकुंभ ते भिगवण या प्रवासादरम्यान बसमध्ये असलेल्या गर्दीचा फायदा घेऊन अज्ञात चोरट्याने सुनिता यांच्याकडील दागिने अतिशय शिताफीने चोरले. Bhigvan News
भिगवण एसटी स्टँडवर उतरल्यानंतर सुनिता यांच्या लक्षात आले की, त्यांच्याकडील सोन्याचे दागिने गायब आहेत. चोरट्याने त्यांच्याजवळील सोन्याचा नेकलेस, सोन्याची कर्णफुले, सोन्याचे वेल, सोन्याची नथ आणि सोन्याचा मणी असा 1 लाख 39 हजार रुपये किमतीचे सोन्याचे दागिने लंपास केले. प्रवासादरम्यान दागिने चोरीला गेल्याचे समजताच सुनिता चव्हाण यांनी भिगवण पोलीस ठाण्यात धाव घेऊन तक्रार दिली. Bhigvan News
