Baramati News : बारामती, (पुणे) : बारामती शहरातील गजबजलेल्या रिलायन्स मॉल परिसरातून एका २३ वर्षीय तरुणाचे दिवसाढवळ्या कारमधून अपहरण करण्यात आल्याची खळबळजनक घटना उघडकीस आली आहे. आरोपींनी तरुणाला निर्जन ठिकाणी नेऊन लाकडी दांडक्याने बेदम मारहाण केली आणि त्याच्याकडील मोबाईलसह 15 हजार रुपयांची रोख रक्कम जबरीने लुटली. या प्रकरणी बारामती तालुका पोलीस ठाण्यात चार जणांसह इतर अनोळखी इसमांवर गुन्हा दाखल करण्यात आला असून मुख्य आरोपीला पोलिसांनी बेड्या ठोकल्या आहेत. Baramati News
पिंटू उर्फ शरद धुमाळ, भारत मोहीते, अक्षय सोनवणे, अधिराज मोरे व इतर अनोळखी व्यक्तींविरोधात अपहरण करून मारहाण करणे आणि जबरीने वस्तू काढून घेण्याबाबत गुन्हा दाखल करण्यात आला आहे. या प्रकरणातील मुख्य आरोपी पिंटू उर्फ शरद धुमाळ यास अटक करण्यात आली असून दोन दिवसांची पोलीस कोठडी सुनावण्यात आली आहे. याप्रकरणी प्रतिक धंगेकर (वय २३, रा. माळेगाव बुद्रुक) यांनी तालुका पोलीस ठाण्यात फिर्याद दिली आहे. Baramati News
पोलिसांनी दिलेल्या माहितीनुसार, फिर्यादी प्रतिक धंगेकर हा पुण्यात नोकरी करतो. 24 एप्रिल रोजी दुपारी तो बारामतीतील रिलायन्स मॉल परिसरात उभा असताना, आरोपींनी कारमधून येऊन त्याला जबरदस्तीने गाडीत बसवले. ‘पिंटू धुमाळ याच्या पत्नीला अपशब्द का वापरले?’ असा जाब विचारत त्याला तांदुळवाडी रोडवरील एका हॉटेलच्या गोडाऊनजवळ नेण्यात आले. Baramati News
आरोपींनी केवळ मारहाणच केली नाही, तर प्रतिकवर ‘पिंटू धुमाळच्या पाया पडून माफी माग’ असा दबाव टाकला. या अपमानास्पद प्रकाराचे व्हिडिओ शूटिंग करण्याचाही आरोपींनी प्रयत्न केला. याशिवाय त्याच्या खिशातील 15 हजार ३०० रुपये, दोन मोबाईल आणि हातातील घड्याळ असा ऐवज आरोपींनी जबरदस्तीने हिसकावून घेतला. Baramati News
मारहाणीनंतर आरोपींनी प्रतिकला “पोलीस तक्रार केली तर जीवे मारू,” अशी धमकी देऊन रस्त्यावर सोडून दिले. या प्रकरणी पिंटू उर्फ शरद धुमाळ, भारत मोहीते, अक्षय सोनवणे, अधिराज मोरे व इतर अनोळखी व्यक्तींविरोधात गुन्हा दाखल करण्यात आला होता. पोलिसांनी याप्रकरणी मुख्य आरोपी पिंटू उर्फ शरद धुमाळ याला अटक करण्यात आली असून न्यायालयाने त्याला दोन दिवसांची पोलीस कोठडी सुनावली आहे. Baramati News
दरम्यान, पोलीस निरीक्षक चंद्रशेखर यादव यांच्या मार्गदर्शनाखाली पोलीस उपनिरीक्षक अमोल कदम आणि पोलीस जवान दादा दराडे या प्रकरणाचा अधिक तपास करत आहेत. Baramati News
