लहू चव्हाण
पाचगणी : गुरेघर येथील मॅप्रो गार्डन येथे बेकायदा जमाव जमवून एकाला सळई, लाकडी दांडके व कॅरेटने मारहाण करण्यात आली असून यात महारहाणीत करण्यात आलेल्या एकाचे २८ हजार रुपये गहाळ झाले असल्याची तक्रार पाचगणी पोलीस स्टेशनला दाखल करण्यात आली आहे.
नवनाथ दिनकर नायकवडी यांनी पाचगणी पोलीस स्टेशनमध्ये या संदर्भात तक्रार दाखल करण्यात आली असून पोलिसांनी समीर भिलारे (रा. भिलार) याला अटक करण्यात आली आहे.
याबाबत पाचगणी पोलिसांनी दिलेल्या माहितीनुसार, १९ डिसेंबर रोजी रात्री ११ च्या सुमारास फिर्यादी नवनाथ दिनकर नायकवडी (वय २४) गुरेघर येथील मॅप्रो गार्ड्नच्या गेटमधून सकस दूध डेअरीचे दूध उतरविण्यात आले. १८ डिसेंबर रोजी फिर्यादी व समीर भिलारे (रा. भिलार) यांचे भांडण झाले होते.
या भांडणांचा राग मनात धरून समीर भिलारे व त्यांच्या ७ ते ८ साथीदारांनी बेकायदा जमाव जमवला व फिर्यादी नवनाथ नायकवडी यांना सळई, लाकडी दांडके व कॅरेटने मारहाण केली. तसेच समीर याने फिर्यादीच्या दोन बोटांचा चावा देखील घेतला. भांडण सोडविण्यासाठी आलेले गाडीचे चालक दीपक गुरुव यांना देखील कॅरेटने मारहाण करण्यात आली. या झटापटीत फिर्यादीकडे असणारी २८,००० हजार रुपयांची दुधाची रोकड देखील गहाळ झाली आहे, असे तक्रारीत म्हटले आहे.
फिर्यादीने नवनाथ नायकवडी यांनी पाचगणी पोलीस स्टेशनला तक्रार दाखल केली असून त्यानुसार पोलिसांनी आरोपी सामील भिलारे याला अटक केली आहे. सादर गुन्ह्याचा तपास पाचगणीचे सहाय्यक पोलीस निरीक्षक सतीश पवार यांच्या मार्गदर्शनाखाली पीएसआय महामूलकर करत आहेत.
