पुणे : महिलांच्या अज्ञानाचा फायदा घेऊन एका भोंदूबाबाने चहा पाजून तब्बल १२० हून अधिक अल्पवयीन मुली आणि महिलांवर अत्याचार केल्याची धक्कादायक घटना हरियाणातील टोहाना (जि. फतेहाबाद) येथे घडले होते. याप्रकरणी हरियाणा न्यायालयातील सुनावणी पूर्ण झाली असून, पुढील काही दिवसांत शिक्षा सुनावली जाणार आहे.
अमरपुरी उर्फ जलेबी बाबा (वय-६३) असे त्या भेंदूबाबाचे नाव आहे.
पोलिसांनी दिलेल्या माहितीनुसार, जलेबी बाबा हा २३ वर्षांपूर्वी पंजाबच्या मानसा शहरातून तोहानाला आला होता. त्यांच्या पत्नीचा मृत्यू झाला आहे. त्याला चार मुली आणि दोन मुले आहेत. सुरुवातीला तो १३ वर्षे त्यांनी जिलेबीचा स्टॉल चालवला. यादरम्यान त्यांची भेट एका तांत्रिकाशी झाली.
त्यानंतर त्याने तांत्रिक साधनेची सुरुवात केली. यानंतर तो टोहना येथून काही वर्षे गायब झाला. आणि तो थेट परत गावात आला. आणि मंदिराशेजारी घर बांधले. नंतर त्याने भोंदुगिरीचा धंदा थाटला आणि बघता बघता तो जलेबी बाबा म्हणून प्रसिद्ध झाला.
जलेबी बाबा अमरपुरीत ‘बिल्लू’ नावाने प्रसिद्ध होता….
महिलांवर अत्याचा करणाऱ्या या जलेबी बाबावर फतेहाबादच्या टोहाना शहर पोलिसांनी २०१८ मध्ये गुन्हा दाखल केला करण्यात आला होता. जलेबी बाबा हा अत्याचाराचे कृत्य करण्यासाठी एक विशिष्ट अशी पद्धत वापरत होता. तो त्याच्याकडे येणाऱ्या महिलांना तसेच मुलींना नशिली चहा द्यायचा. तो चहा पिल्यानंतर त्या बेशुद्ध होत असे. आणि त्यानंतर तो महिलांवर अत्याचार करायचा. आणि त्या क्षणांचे व्हिडिओ बनवायचा आणि त्यांना ब्लॅकमेलही करायचा.
दरम्यान, या बाबाच्या कृत्याबद्दल पोलिसांना माहिती मिळताच, पोलिसांनी तातडीने बाबाच्या अड्यावर छापा टाकला. यावेळी पोलिसांना बाबाकडे १२० महिलांशी संबंध प्रस्थापित करतानाचे व्हिडिओ सापडले. त्यानंतर पोलिसांनी आरोपी भेंदूबाबाला अटक केली.
या प्रकरणी पोलिसांनी २०० पानांचे आरोपपत्र न्यायालयात दाखल केले होते. या खटल्याची सुनावणी करताना न्यायालयाने अमरपुरी उर्फ जलेबी बाबा याला ५ जानेवारीला दोषी ठरवून १० जानेवारी शिक्षेची तारीख निश्चित केली आहे.
