पुणे : पुण्यातील लुल्लानगर भागातील झीके (जहीर खान) या प्रसिद्ध हॉटेलला आग लागली आहे. ही आग आज (ता. १ नोव्हेंबर) सकाळी लागली असून घटनास्थळी अग्निशमन दलाचे जवान दाखल झाले आहेत. अग्निशामक दलाने आग विझवण्याचे काम तातडीने सुरु केले असून यात हॉटेलचे मोठे नुकसान झाल्याची प्राथमिक माहिती मिळाली आहे.
प्राप्त माहितीनुसार, लुल्लानगर भागातील सातव्या मजल्यावर असलेल्या झीके (जहीर खान) हॉटेलला आज (ता. १) सकाळी आग लागली. आगीने काही क्षणात रौद्ररुपधारक केले व आगीचे लोण पसरत चालले असून, दूरपर्यंत धूर दिसून येत आहे. आग लागल्यानंतर सिलेंडरच्या स्फोटाचेही आवाज येत असल्याने परिसरातील नागरिकांनी सांगितले. घटनास्थळी अग्निशमन दलाच्या सहा गाड्या दाखल झाल्या आहेत. आगीवर नियंत्रण मिळविण्यात अग्निशामक दलाला यश मिळाले आहे.
दरम्यान, ही संपूर्ण काचेची इमारत असल्याने इमारतीमध्ये मोठ्या प्रमाणावर धूर पसरत असून, धूर बाहेर पडण्यास पुरेसी जागा नसल्याचे आतील नागरिकाना धुराचा त्रास सहन करावा लागला आहे. परिणामी धूर बाहेर पडावा यासाठी इमरातीच्या काही काचा देखील फोडण्यात आल्या आहेत. या इमरतीतमध्ये विविध कार्यालये तसेच सराफा व्यावसायिकांची दुकानेही आहेत.
