पुणे : मैत्रिणीशी प्रेमप्रकरण असल्याच्या संशयावरून मित्राचेच अपहरण करून खुनाचा प्रयत्न केल्याची धक्कदायक घटना मुंढवा (पुणे) परिसरात नुकतीच घडली आहे. याप्रकरणी चंदननगर पोलीसांनी दोघांना बेड्या ठोकल्या आहेत.
तन्मय दीपक पाचरणे (वय २०, रा. पाचरणे आळी, वाघोली), वेदांत महादेव गपाट (वय १९, रा. शंकरनगर, खराडी) अशी अटक करण्यात आलेल्या आरोपींची आहे. तर याप्रकरणीकरण शंकर माळी (वय १९, रा. टिंगरेनगर, विश्रांतवाडी) याने दननगर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, वाघोली (ता. हवेली) येथील एका महाविद्यालयात करण, आरोपी तन्मय आणि एक युवती शिक्षण घेत होते. करणने संगणकविषयक अभ्यासक्रम पूर्ण केला आहे. सध्या तो एका हॉटेलमध्ये अर्धवेळ काम करत आहे. करण हा नेहमी प्रमाणे दुचाकीवरुन कामाला निघाला होता.
तेव्हा आरोपी तन्मयने करणच्या मोबाइलवर संपर्क केला. आणि दुचाकी बंद पडल्याची बतावणी करुन त्याला मुंढवा परिसरात बोलावले. करण तेथे गेल्यानंतर आरोपी तन्मय याने दुचाकीवरुन एका ठिकाणी सोडण्यास सांगितले.
दरम्यान, काही अंतरावर गेल्यानंतर तन्मयचे मित्र वेदांत आणि साथीदार मोटारीत होते. आरोपी तन्मयने करणला मोटारीत बसण्यास सांगितले. करणला संशय आला. त्याने मित्राच्या मोबाइलवर संपर्क साधला. तेव्हा तन्मयने त्याचा मोबाइल काढून घेतला. तन्मय, वेदांत आणि साथीदारांनी करणला मोटारीत मारहाण केली. आणि तुझे माझ्या मैत्रिणीशी प्रेमप्रकरण सुरू असून तिच्याशी संबंध ठेवू नको, असे सांगून तन्मयने त्याला धमकावले.
त्यानंतर मुंढवा रस्त्यावरील एका खोलीत त्याला डांबून ठेवले. त्याला दारू पाजली. त्याच्या डोक्यात दारुची बाटली फोडली. तसेच करणला बांबू आणि गजाने बेदम मारहाण केली. मारहाणीत करण बेशुद्ध पडला. पहाटे करण शुद्धीवर आला. त्यानंतर आरोपी तन्मय आणि साथीदारांनी त्याला खराडी परिसरात सोडून दिले.
दरम्यान, करणने घरी गेल्यानंतर या घटनेची सर्व माहिती भावाला सांगितली. त्यानंतर करणने चंदननगर पोलीस ठाण्यात तक्रार दिली. गुन्हा दाखल होताच पोलिसांनी दोन्ही आरोपींना अटक केली आहे.
पुढील तपास वरिष्ठ पोलीस निरीक्षक राजेंद्र लांडगे करीत आहेत. तर करणवर खासगी रुग्णालयात उपचार सुरू असून आता त्याची तब्बेतील सुधारणा होता आहेत.
